!["ياظلمه"..قناة الزمالك تفتح النار على التحكيم بعد تزايد الأخطاء ضد النادي!! 1 "ياظلمه"..قناة الزمالك تفتح النار على التحكيم بعد تزايد الأخطاء ضد النادي!!](https://zamalek.news/wp-content/uploads/2023/01/FB_IMG_1672922676558.jpg)
فتح طارق يحيى مقدم برنامج زملكاوي، النار على الحكام، في ظل تعرض الزمالك لظلم وتزايد الأخطاء التحكيمية بالمباريات الأخيرة.
وقال طارق يحيى في تصريحات تليفزيونيه ببرنامج
زملكاوي عبر قناة الزمالك:” عندي معلومه من داخل لجنة الحكام، كلاتنبرج في اجتماعه مع الحكام بشأن هدف الداخليه الغير شرعي اخد التصويت وكان 60٪ الحالة تسلل، و40 هدف غير شرعي وهو اخد براي الاقليه، فاكرين الـ7 اكبر من التسعه”.
وأضاف: “الاخطاء التحكيميه زادت عن حدها حاجات تثير العجب وتضحك، مفيش مساعد فيكي يامصر قال ان هدف الداخلية صحيح، كلاتبنرج بيعمل حاجات غريبه”.
واردف يحيى:” النهارده اموتو ضرب مصطفى شلبي بالكوع وركله جزاء هل الحكم والڤار مشوفهاش؟، رغم انه حسب اقل منها في نص الملعب”.
وشدد:” ايوه احنا وحشين، لكن ده حقي، فين الكلام ده مينفعش، بنتعرض لظلم بيّن في وجود الڤار اومال لو مفيش ڤار ياظلمه هيحصل ايه”.
واختتم: “حتى عصام عبدالفتاح قال انقذوا التحكيم من كلاتنبرج، وده كان حكم كبير وبيقول انه بيعمل حاجات غريبة”.