أكد أحمد سليمان عضو مجلس إدارة الزمالك السابق، ان سبب ما يحدث في الفارس الأبيض هو رحيل المدير الفني جيسفالدو فيريرا ثم التراجع عن القرار وعودته مرة اخرى”.
وقال أحمد سليمان في تصريحات إذاعية:” أنا معرفشي الكواليس إيه انا بتكلم بشكل عام، لما المدير الفني يتم استبعاده ويمشي ومن ثم يرجع ويبان للعيبة كأنه في مؤامرة، الكلام ده بيعمل لخبطه في الفريق بشكل كبير خصوصا لما تحصل مشاكل وتبقى الصورة اللي ظاهرة كده “.
واضاف:” أدينا شوفنا المنظر المؤسف النهاردة في المباراة، طبعا أنا بسمع في الاعلام يتقال ان اسامة نبيه طلب عودة فيريرا وناس تقولك فيريرا طلب مساعدين اجانب “.
وتابع سليمان:” لماذا رحل فيريرا وعاد؟ رايي الشخصي علشان الشرط الجزائي”.
واردف:” اللي قاله رئيس النادي والمشرف على الكرة أن في مشكلة في اوضه اللبس بسبب العقود الموجودة ”
واشار: “احنا لما جينا جبنا صفقات في 2014 كنت بمضي اللاعب واقوله عقده كده وهتاخد الرقم الفلاني”.
واختتم:” الخلافات والصراعات دي مع عدم وجود قائمة قوية وبدائل وعدم تجانس الفريق بيؤدي للنتائج دي”.
