أكد الإعلامي خالد الغندور، انه يستطيع أن يختلف في الرأي مع مرتضى منصور رئيس الزمالك، إلا انه يحاول ان يقلل من إظهار الازمات الخاصة عبر قناة الفارس الأبيض لانها قناة فئوية.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:” قيل ان محمد صبحي اعترض على عدم لعبه وده لم يحدث، ده كتائب اليكترونيه شغاله لفبركة الاخبار”.
واضاف: “الصفحات الفيك والكدابه قالوا ان الغندور بعد ما مشي من القناة قال شكلي وحش وبهز راسي وده كدب محصلش”.
وشدد الغندور:” انا في قناة الزمالك نتعامل مع مجلس الادارة، والقنوات الفئويه فيها دعم وبناء ومفيهاش هدم ونقلل المشاكل ولا نظهرها”.
واردف: “انا عندي الحريه اقول اللي عاوزه، واختلف مع المستشار مرتضى، لكن السوشيال ميديا بقي صعب ومحاولات التشويه وتحريف الكلام وتزييفه”.
واختتم:” في ناس كنت بحترمهم ولمابشوفهم دلوقتي عيب اللي بيعملوا، وجودي في القناة علشان خاطر الجمهور العظيم واحتراما للرئيس النادي اللي كان عنده رغبه اكيده في وجودي”.
