” احنا ذنبنا ايه”.. ناصر منسي يتحدث عن أزمة قيده في الزمالك ويوجه رساله لإتحاد الكرة والجماهير!!
تحدث ناصر منسي لاعب نادي الزمالك، والمنضم في فترة الانتقالات الشتويه، عن ازمة قيده في قائمة الفريق بسبب تعنت إتحاد الكرة مع الفارس الأبيض ورفضهم قيد الصفقات الشتوية بسبب مديونيات القلعة البيضاء.
وقال ناصر منسي في مداخلة هاتفيه ببرنامج “جمهور التالتة”عبر قناة” اون تايم سبورتس2″:” حالتي النفسيه تعبانه، ومبنمش من التفكير احنا ملناش ذنب والكفروض اتقيدنا احنا مالنا؟ والله مابنام ومش عارف مصيري ولا اي حاجه خالص”
واضاف:” احنا اتقيدنا في الزمالك، ولا لنا ذنب ان يتعمل فينا كده احنا مالنا، بتمرن طبعا وتحت امر الزمالك في اي وقت، وان شاء الله كبوه وتعدي
والله مالحقت افرح ومبنمش من التفكير”.
وشدد منسي:” احنا موجودين على السيستم نفسي اكون مع الزمالك، وانام واصحى ويقولوا الكارنيه طلع ومن3 سنين عاوز انضم للزمالك”.
وواصل: “مش فاهم اي حاجه في اي حاجه اللعيبه ملهاش ذنب، البنك الاهلي مالوش دعوة احنا اتقيدنا على السيستم واقسم بالله مابنام، ليه بيحصل فينا كده اللعيبه الغلابه ملهمش ذنب، كل يوم بكره بعده”.
واكمل:” اهلي زعلانين وكان نفسي اروح اشوف والدتي ومش عاوز اروح علشان لا يروا زعلي، حرام اللي حصل”.
واردف منسي:” جمهور الزمالك كبير وعظيم واوعدهم اقدر اطلع كل اللي عندي، والزمالك نادي كبير وبحبه من صغري وبعشقه وبقولهم كبوه وتعدي”.
واختتم: “الادارة بتكلم معنا انهم مش ساكتين وشغالين، احنا لو متقيدناش هنقعد 6 شهور بدون لعب احنا ذنبنا ايه حرام يعني، رسالتي لاتحاد الكره هقولهم ايه مش عارف اقول لهم ايه”.
