فتح الإعلامي عمرو أديب، النار على إتحاد الكرة المصري بسبب ازمة قيد صفقات الزمالك الشتوية، لعدم دفع مديوينات الجبلايه.
وقال عمرو أديب في تصريحات تليفزيونية ببرنامج “الحكايه” عبر قناة “إم بي سي مصر”:” عندي رهان وتحدي، وبسأل هل فيه بلد في العالم أو اي نظام كروي في العالم متقدرش تعرف اذا كان فيه لاعيبة فيه اتسجلت ولا لأ؟، الـ3 لاعيبة بتوع الزمالك اتسجلوا ولا لأ؟ طيب لو دفعوا الفلوس يلعبوا؟، طيب الناس دي مصيرها ايه؟، محدش عاوز يرد من اتحاد الكرة”.
إقرأ ايضا.. صدمة.. ميتلاند الدنماركي يوضح نسبة الزمالك في إعادة بيع إمام عاشور!!
واضاف:” بصرف النظر عن مشاكلنا ده نادي مملوك للدوله، الزمالك نادي حكومي، ومستقبل اللعيبه دي هيكون ايه، قول لا مش هيلعبوا، او الزمالك والفرق التانيه اسوان والبنك يروح يصفي معهم ويرجع لهم اللعيبه”.
وشدد اديب:”هو سؤال واحد هل اللعيبه دي هتلعب ولا لا، ولما تعملوا حاجه تكملوها هو بيان اول يوم وبس، عاوزين نعرف هل في قيد او لا؟، قولنا مفيش قيد نقولك شكرا باشا، او قول مش هنعطيهم الكارنيهات الا لما الزمالك يدفع 30 مليون جنيه”.
واردف:” ايه المنظومه دي ياربي، ايه الحدوته الغريبه دي، واشياء وناس بتجري ورا ناس، ومحاضر دي كره دي؟، حد يكلمنا ويرد علينا اتحاد الكرة مبيردش، ووزارة الرياضه قالت مليش دعوه، نكلم الفيفا هتقولك امر داخلي”.
وواصل أديب: “مطلوب سطرين اه اللعيبه اتسجلوا والسيستم قبلهم ومش هيلعبوا، اوالناس دي اتسجلوا بس هاتوا شنطه فيها 30 مليون وهياخدوا الكارنيهات ويلعبوا”.
واردف:” هو الزمالك مفيش فيه 17 مليون جنيه؟، اومال فين قيمة بيع امام عاشور؟ “.
واختتم: “اسئله كتير والامور متشخصنه، ولا هي كره ولا الزمالك، هي متشخصنه، ده بيشتم ويزعق، وده ومقموص وزعلان”.
