“الجمهور لايرحم أمتى هتفوق”.. قناة الزمالك تفتح النار على لاعبي الفريق بعد الخسارة من شباب بلوزداد!!
فتح محللي قناة الزمالك النار على لاعبي الفريق الاول لكرة القدم بالنادي بعد الخسارة من شباب بلوزداد الجزائري في دوري أبطال إفريقيا.
وقال احمد عبد الحليم:” لابد ان يكون هناك وقفه، واي حد سبب فيما يحدث لابد من ايجاد حل معه، الفريق لم يفعل شئ ليفوز بالمباراة، ضربة الجزاء مش سليمه، ولكن اين انت، اين الاستنفار بعد الهدف للتعويض،
واضاف:” انت المفروض كنت عاوز تصالح جمهورك، لازم يراجعوا نفسهم، انت ازاي مش ملاحظ ان الجمهور ممكن ينقلب عليك، الجمهور لايرحم امتى هتفوق، كرة القدم الطبيعيه مش قادر تعملها تبقى متنفعش لاعب “.
ومن جانبه قال محمدصبري:” التوفيق مش هيجي غير بالاجتهاد، في مشكله عند اللعيبه ومش قادرين يعالجوا اخطائهم، لازم الادارة تتدخل وتفهمهم انهم بيلعبوا في الزمالك”.
وشدد: “انت بتلعب في بطولة جديده وجمهور حاضر كامل العدد، عاوز ايه علشان تجري جوه الملعب واحسس جمهوري والمنافس انه مش هيجيب هدف بسهوله، معندناش حاجه غير الدعم ولابد تدخل المستشار مرتضى ويشوف مشاكلهم وامير وكابتن اسماعيل يشوف ايه المشاكل الاداء ده مفيش جماعيه”.
بينما أكد عبد الحليم علي:” ايه اللي قدمته علشان تكسب، المشكله في اللعيبه بغض النظر عن التشكيل صح او لا او الطريقه صح اولا، لكن المعدل البدني منخفض انت من اول المباراة تحس ان لعيبه الزمالك في رمل برجلها”.
واردف:” اللعيبه خايفه ومهزوزه، وفي اخطاء متكرره، واسوء شئ في الانديه ان االاعب يكون فاقد الثقه في نفسه”.
واختتم:” ياما تعرضنا لمشاكل في الاخر كان الحل في اللعيبه نفسها ياماكان مفيش فلوس وظروف، اقعد مع بعض وحددوا هدفكم وهندعم والجمهور بيدعم لكن تغيير الموقف منك انت، تحدد هدفك وتشوف عاوز ايه”.
