“اللي بيته من زجاج ميحدفش الناس بالطوب”.. رد ناري من الغندور على شكوى الأهلي ضد قناة الزمالك!!
رد الإعلامي خالد الغندور، على شكوى الأهلي ضد قناة الزمالك ومرتضى منصور رئيس الفارس الأبيض، بسبب احداث مباراة الهلال السوداني.
وقال خالد الغندور في تصريحات تليفزيونيه ببرنامج
“زملكاوي” عبر قناة “الزمالك”:” بحاول في قناة الزمالك نوعي الناس ونفهمهم ان كرة القدم تناقس شريف، ومش حابب يكون في مشاحنات بين محالس ادارات ومسئولين كبار في الزمالك والاهلي”.
وأضاف:” كرة القدم ليست خناقة، انا امس لم اكن اعرف بوجود بيان ضد قناة الزمالك ورئيس الزمالك وبيان شديد اللهجة ضد زملائي في القناة من الأهلي”.
وتابع الغندور:” لمابنيجي نطلع بيان ونقول ليه قناة الزمالك عملت كده، وكلامي موجه لجمهور الاهلي وخاصة اللي بيعي وبيفهم، هو سؤال، كنا بنلعب في دوري ابطال افريقيا وحصل موقف ان الزمالك بيلعب مع فريق سنغالي والاتحاد الافريقي نقل مباراتنا بسبب ظروف الامن وفوجئنا بالمهندس عدلي القيعي والاستاذ ابراهيم المنيسي اشادوا بهم وبيكلموا على الفريق السنغالي”.
وشدد:”وبيكلموا على ماتشنا وبيثنوا على مافعله الفريق السنغالي وروحنا برج العرب ورفضوا يلعبوا، وقال القيعي ان الفريق السنغالي عمل حاجه كويسه وراحوا المتحف وروجوا للسياحه، ولما طلع مرتضى اتكلم على فاطمه سامورا بعض العاملين في الاهلي ترجموا كلامه وارسلوا لها وحرضوا ضد الزمالك”.
وواصل الغندور:” هل ساعتها الزمالك كان لازم يطلع بيان ضد ابراهيم المنيسي وقناة الاهلي والقيعي، وقت وجود طارق حامد في الزمالك طلع محمد سعيد مذيع الاهلي ومعه احمد فوزي قالوا بياخد منشطات هو ولاعبي الزمالك، هل كنا نطلع بيان ضدهم زي ماهم طلعوا بيانات ضدنا”.
واردف: “لما الزمالك تاهل في الكونفيدرالية والاهلي خرج من صن داونز بخماسية، جنش الكرة عدت معدتش، وخرج ابراهيم المنيسي وعدلي القيعي اللي ملهمش اي علاقه بالبطوله وخرجوا قال لازم المخرجه تتحاسب ازاي معدتش اللعبه”.
واستطرد الغندور:” السؤال للاهلي ومجلس ادارته هل مقبول تكلموا على حسنيه اغادير ونقول كرة معدتش ومخرجه المباراة لازم تتحاسب، والمهندس عدلي القيعي قال على المخرج اللي اذاع لحظة قطع تيشرت وليد ازارو انه خاين لبلده، وهل مقبول تتكلموا على الفريق السنغالي ولاول مره تعاد مباراة رغم ان الفريق لم يحضر لموعد المباراة بعد ما المنظومه الاعلاميه بالاهلي تترجم وتودي علشان الزمالك يتم اقصائه”.
واشار:” المستشار مرتضى قال ليه بيلعب بدون جمهور وقالوا ملكش دعوة رغم اننا في بطولة واحدة، في ماتش ف الدوري مجلس ادارة الاهلي واعلاميه خرجوا بصور جمهور الزمالك وقالوا انهم اكثرمن العدد المسموح به، لتخرج تذكرتي ترد عليه بالارقام واحرج الاهلي، وبين انه بيفتري على الزمالك وجمهوره، انتم مالكم”.
وزاد: “الاهلي راح اسوان والكل بيتشدق ان جمهور الاهلي في كل مكان بالملايين، وقولت لما نقلوا المباريات من ستاد السلام وقالوا بعيد الجماهير المفروض في كل مكان، هو حلال عليك حرام عليه، تتكلم على الكونفيدراليه وانت مش فيها تيجي اطلع بيان ضدي وانت بتعمله في قناتك، اللي بيته من زجاج ميحدفش الناس بالطوب”.
وأكد الغندور:” على الاقل انا بنافسك في افريقيا وجاي تتهمتي ان بأجج بعد الماتش، انتم مش بتشوفوا غير مرتضى منصور بس، وناس ترمي كلام ومش محتاجين قطارات علشان نروح اسوان انت بتنصحني وتقول بأجج المشاعر وانت بتعمل العكس”.
واختتم؛: “الناس مبتتكسفش وهي بتعمل اللي بتقول عليه في البيان، انتم على قناة الاهلي اتمنيتوا خسارة الزمالك، كل حاجه الزمالك وكله ورمي علي الزمالك وكل حاجه زمالك، بلاش تكونوا فعل وتزعلوا من رد الفعل، كل واحد يركز على فرقته”.
