كشف محمد فوزي الامين العام للمجلس الأعلى للإعلام عن خطوات المجلس القادمه للسيطره على الإعلام والسوشيال ميديا بعد التجاوزات الأخيره .
وقال فوزي في تصريحات تلفزيونية عبر برنامج ملعب أون تايم:”مبدأيا عاوز اوضح ان بعض الظواهر اللي الناس بتشوفها ومتضايقه منها هي من الظواهر الرياضيه الموجوده في الاعلام” .
وواصل :”المجلس اجتمع النهارده ووضع امامه عده ملفات منها ان مثلا الصحفي الرياضي الي بيعلق على الاحداث الرياضيه لازم يبقى تحت رقابه النقابه ، وكذلك الانديه تبقى تحت رقابه اتحاد الكره” .
وتابع :”المسأله كلها مش في المجلس الاعلى للاعلام وحده ولكن كل الاطراف المعنيه بالمسأله زي نقابه الصحفيين ورابطه الانديه ورابطه النقاد الرياضيين وغيرهم “.
وواصل :”عندنا ٣ اجتماعات بدأت النهارده ومستمره بكره وبعده ونأمل ان هيطلع قرارت تظبط المشهد فيما هو قادم “.
وأكمل :”الضبط مطلوب والتدخل مطلوب ولكن الحكمه والتأني والدراسه مطلوبين وده اللي بيحصل ، المؤسسات المعنيه من اكتر من جهه هتقعد وتتكامل في دراسه المسأله وستكون معالجه من الأسفل للأعلي” .
وأضاف :”المجلس الأعلى بعيد تماما عن التعميم ، لان زي ما في حدث واحد مش كويس او شخص مش كويس في غيره العشرات كويسين” .
وأتم :”السوشيال ميديا محتاجه برضو تتحط تحت نطاق البحث لان الانديه الجماهيريه ليها محبينها وليها مدافعينها ولكن يجب ان تكون في الاطار القانوني بعيد عن التعصب” .
