“بتتحدى ملايين”.. مرتضى منصور يطلق قذائفه في وجه الجميع بسبب تعنت إتحاد الكره ضد الزمالك!!

اطلق المستشار مرتضى منصور رئيس نادي الزمالك، قذائفه ضد حازم إمام عضو مجلس إدارة إتحادالكرة وجمال علام رئيس الجبلايه، والثنائي أحمد موسى وأحمد شوبير، بعد تعنت مسئولي الجبلاية ضد الفارس الابيض ورفض قبول شيكات تسويه المديونيات وإصرارهم علي تحصيل ملايين الجنيهات نقدا.

وقال مرتضى منصور في مداخله هاتفية ببرنامج زملكاوي عبر قناة الزمالك:” جمال علام بيكذب، الشيكات رفضها وتنازلت عن9 مليون جنيه بتوع الجزيري مستحقات مشاركته في كأس العالم، و10 مليون من الشركه الراعيه بعتت لهم الشيكات ورفضوها، يعني رفضوا19 مليون جنيه”.

واضاف: “حازم امام اتجنن بيمنع قيد الزمالك، احنا حطيناهم على السيستم في الميعاد، ورفضوا الشيكات ويقولوا كنت فين من أول الشهر، احنا محجوز على حساباتنا، الشركه الراعيه قالوا لمسئولي الاتحاد خد 10 مليون دلوقتي ورفضوا، قلتله خد شيك شخصي من دفترشيكاتي، وقالي في تعليمات حازم امام وجمال علام بالرفض”.

وشدد مرتضى:” انا سجلتهم على السيستم لكن المشكله مش عاوز يدوس ويقبلهم ويسلمنا الكارنيهات، انا خايف من ثورة الجماهير عليهم وسكت لمدة 4ساعات وهم طلعوا بيان، وزير الشباب والرياضه كلم جمال علام هو حازم امام،ورفضوا،وقالوا تعليمات، مين جمال علام، وزير الشباب بيقوله ابعتلك فلوس، ويرفض،انا هحل له الاتحاد بتاعه”.

واكد:” انا ضمنت حقي11 ونصف قيدتهم، هو انت داخل خناقه مع مرتضى انت داخل خناقه مع50 مليون زملكاوي،مسئولين بالدوله قالوا لي متكلمش، هو يروح بيعمل بيان يثير غضب الجماهير”.

واردف مرتضى: “الواد احمدشوبير الخدام بتاع للخطيب طلع وقال قبلها بساعه، في مؤامرة من اتحاد الكرة الوحيد المحترم محمد ابوالوفا وكان له راي وكلمه في التليفون وقاله لا، تخيل جبت دفتر الشيكات بتاعي حازم امام قاله لا، مينفعش نصفي خلافات على حساب الزمالك، مسئولين الدوله قالوالي متصعدش المشكله وفوجئت بيان كله كدب، حزومه طلع البيان هو ودينا”.

واستطرد:” انت لك 10 قروش خد شيكات قالك لا عاوز كاش، اجيبله منين، المجلس ده لازم يروح، انت قاعد ليه؟ اخدت كاس العالم؟ انت انسان فاشل، احنا سجلنا وهنعمل محضر اثبات حاله ضد جمال علام والعطار وبصور الشيكات والشركه المتحده قالتله هبعتلك وفلوس مشاركه الجزيري، يقولك لا انا حزومه انا حازم امام اللي عملته جريمه في حق جماهير الزمالك وسجلت كل ماحدث صوت وصورة وعاوزين نذل الزمالك”.

وزاد مرتضى: الوزير قالهم الفلوس عندي وقالوا لا انا حازم عضو مجلس نواب، انا ولادي اتقيدوا انت عاوز تدوس على الزرار بكره بعده انا هشتكيك في الفيفا وهحلك، ومادام اديتك شيكات، المشكله مش ماليه دي نفسيه، والاستاذ محمد ابوالوفا كملهم مره و2 ورافضوا وفوجئ بالبيان، وكان ممكن الجماهير تروح لهم الاتحاد”.

واشار:” وشوبير قال الخبر قبلها بساعه، ورحمة هبه ولمياء وحنان وشادية عصابه، ورفضوا شيكات اجيبله ملايبن منين، والمخبر احمد موسى خرج وقال، عرفت انها عصابه، وبيبو يحكم، عرفتوا اللي انا فيه من ساعة مارجعت”.

واختتم: “هعمل انتخابات رئاسيه مبكرة لوكسبتكوا تمشوا بدون ملابس في الشارع والناس تقول العبيط اهو، وقف القيد يجي من الفيفا مش منك احنا سجلناهم خلاص وفاضل ندوس، جمهور الزمالك يعمل تريند اشطبوا حازم امام”.