بركات يكشف كواليس جديدة بشأن رحيل الحضري عن المنتخب الأوليمبي.. ويؤكد تصرف غريب!!

انتقد محمد بركات، المشرف العام على المنتخب الأوليمبي تصرف عصام الحضري مدرب حراس مرمى المنتخب السابق بعد انتقاله إلى الجهاز الفني لمنتخب سوريا.

قال بركات في تصريحات تليفزيونيه عبر برنامج “الريمونتادا” على قناة “المحور”: “تعيين عصام الحضري في منتخب سوريا مفاجأة بالنسبة لنا في اتحاد الكرة”.

وأضاف: “امس الكابتن عصام الحضري اتصل بالأستاذ خالد سرحان المترجم الخاص بمستر ميكالي مدرب منتخب مصر الأوليمبي، وطلب مقابلة مع ميكالي، واتفق بالفعل على مقابلة ميكالي ومعاونيه”.

وواصل: “عصام الحضري قال لميكالي إنه عنده عرضين مش عرض واحد وعايز يخوض تجربة جديدة وإنه واخد قراره، بعد محادثات مع زوجته، وكان كابتن عصام الحضري واخد قراره، ميكالي وجه له سؤالا، هل اتكلمت مع المسؤولين أو اتكلمت مع محمد بركات كمشرف على المنتخب، قاله ما أنا جايلك عشان تتكلم مع كابتن محمد بركات، عشان تنقل له رغبتي”.

وتابع: “الموضوع ده غريب جدا، عصام الحضري رايح لميكالي يقوله كلملي بركات، في ظل عمق العلاقة بيني وبين عصام الحضري، مع إننا على طول بنتكلم، ما ترفع سماعة التليفون وكلمني، الموضوع غريب جدا”.

واختتم: “طلبت إني اقعد مع عصام الحضري لكن بكرة مش النهارده علشان كنت مرتبط بمواعيد وفوجئت إن انهاردة الاتحاد السوري أعلن بشكل رسمي عن تعيين الحضري”.