أعلن المستشار مرتضى منصور رئيس نادي الزمالك، انه لن يتعامل مع قنوات أون تايم سبورتس،وذلك بسبب الإعلامي أحمد شوبير وتصريحاته الكيديه التي تستفز جماهير الفارس الأبيض.
وقال مرتضى منصور في مداخلة هاتفية ببرنامج “زملكاوي” عبر قناة”الزمالك”: اذا كان اقوى3 لعيبه تعاقدت معهم ومش عاوز تقيدهم والكل بيتفرج، ياقناة اون علاقتي بكي انتهت حذرناكم مرة و2 بسبب شوبير وهو بيطلع يستفز الجماهير، ومن الان علاقة قناة الزمالك بأون انتهت”.
وتابع: “اتحاد الكرة اصدر بيان رسمي في شهر يوليو2022، ان الزمالك سوى مديونياته اللي حصل مؤامرة حقيره، وتم جدولةالمستحقات، ودفعنا 9 مليون و5 مليون وكل شهر مليون، دي مؤامره، عاوز رجل فيهم يقول البيان اللي طلعوه مزور، القصه مش مرتضى، القصة انت هتاخد الدوري للمرة الـ3 وبييبو يزعل، لا فوق”.
واضاف مرتضى:” عاوز دكر في اتحاد كره يرد على البيان اللي نشروه على صفحتهم ياجمهور الزمالك فوقوا القصه انتم، عنوان البيان كان الزمالك يسوى مستحقاته، وقولتله خد 9 مليون مقابل مشاركه الجزيري في كاس العالم قالي لا، طيب خد7 مليون ونص، لا، وجمعنا 5 مليون رفضوا وهربوا مننا ورفضوا القيد، وجاي يابتاع هبه تقول بنفرح انتم اللي عملين الحزن لجمهور الزمالك”.
واردف: “مستنين جمال علام علشان نقعد وهم كلمتين، اذا لم تحل المؤامرة هعلن قرار سياسي رياضي اعلامي، انت مش عاوز مرتضى قول كفايه عليك رياضيا وسياسيا، انما الضرب تحت الحزام في الزمالك لا، انا مستني بكره وبعد الماتش تبقى جنت على نفسها براقش، هنقفل الصفحه، وياجمهورنا ياعظيم القصه مش مرتضى”.
واختتم:”هو منع يقيد 3 لعيبه مميزين ، والكل عليهم 3 اضافات رهيبه، يا استاذ جمال وحق القران الكريم محمود الخطيب كان عاوز يمشيك وانت عارف مين وقف معك وكلمتني وقلتلك انا وراك، واللي انت قاعد معهم كانوا عاوزين يمشوك، خلص الكلام”.
