بعد التصريحات الأخيرة.. رد قوي من خالد الغندور على الإعلام التونسي قبل مواجهة الزمالك و الترجي!!

وجه الإعلامي خالد الغندور، رساله قاسية الى الإعلام التونسي وبعض اللاعبين التوانسه السابقين، بسبب تصريحاتهم ضد الزمالك والتقليل منه قبل مواجهة الترجي في دوري أبطال إفريقيا.

وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:” هل ممكن نقلل من الترجي؟ لا طبعا، احنا بنحلل كره الترجي من سنتين واجانبه كان افضل من الان، والدوري التونسي مش قوي وبيتلعب على مجموعتين واللعيبه المميزه بتلعب في مصر حاليا والترجي بيغرد منفرد في تونس”.

واضاف: “مش قادر افهم بعضا من الاعلام التونسي، بيستكثر علينا وعليا ان اتكلم علي الزمالك واقول ان الترجي ليس فريق مرعب وانه فاز بالتوفيق من ربنا وفريق مش مخيف، وزعلوا اوي لما قلت كده”.

وشدد الغندور:” بعض المحللين بيقولوا كلام خارج عن الزمالك ولاعبيه ورئيس النادي هو ده اعلام ياجماعه؟ ”

وتابع: “كابتن سمير السليمي لاعب الافريقي التونسي السابق، كان زعلان من كلامي وقال كلام مش مصدق ان لاعب كرة يقولها، قال ان الغندور هو ابن الزمالك وشغال في قناته وبيحفز فريقه، ولكن الزمالك خسر من بلوزداد و بيضحك واضحكني”.

واردف الغندور:” مع كل الاحترام له وهو قال الزمالك ضحكني وشايف ان ده اسلوب طبيعي انه يقوله على الزمالك وزعل ان قلت ان الترجي كسب بالحظ والتوفيق في ماتش المريخ وبلوزداد وواضح ان قدم اداء مبهر وكسب في الدقيقة94 بكره ثابته وده دليل الابهار”.

وواصل:”كابتن السليمي بيقول ان في حرب اعلاميه مننا، وبقوله مفيش حرب اعلاميه احنا بنتكلم كره ولغتها واحده، ومينفعش لاعب سابق يقول الزمالك ضحكني، واحنا هنا بننتقد اداء الزمالك والمدير الفني في القناة واحنا بعيد عن مستوانا ومش بنضحم في الزمالك وعارفين ان في تذبذب بالمستوى”.

واشار الغندور: اتمني لاعبي الزمالك يسمعوا مايقال علينا في الاعلام التونسي ويردوا في الملعب، معرفش ايه التوجه ده اللي ضد الزمالك رغم ان اننا بنحترم كل الانديه التونسيه”.

واستطرد:” السليمي بيقول الترجي مستواه بعيد اوي عن الزمالك واعلم انك كنت لاعب في الافريقي وظهورك على الشاشات وتداعب الجماهير الترجاويه حتى لاتمنع من الظهور،الزمالك رغم انه بعيد عن مستواه الا انه خسر بركله جزاء وهميه، والترجي اللي شايفينه مبهر صعد بالتحكيم بسبب احتساب ابراهيم نور الدين ركلة جزاء غير صحيحه وتأهل بها الترجي

واختتم: “انت بتتريق على الزمالك والترجي المبهر تأهل بركله جزاء من بره منطقه الجزاء وادت لتأهله، وفي الموسم الماضي ايضا تأهل بخطأ تحكيمي، ومش عاوز تكلم من ايام اينرامو”