![بعد شكوى الأهلي ضد قناة الزمالك.. تعليق مفاجئ من خالد الغندور على واقعة علي لطفي!! 1 بعد شكوى الأهلي ضد قناة الزمالك.. تعليق مفاجئ من خالد الغندور على واقعة علي لطفي!!](https://zamalek.news/wp-content/uploads/2023/02/received_878308819890379-1.jpeg)
علق الإعلامي خالد الغندور، على واقعة ضرب علي لطفي حارس مرمى الأهلي بعد مباراة الهلال السوداني في دوري أبطال إفريقيا.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:” كل جماهير الزمالك منتظره قيد الصفقات غدا
واضاف: “احنا بنلعب كره وبنحب الكرة وكل الشعوب العربيه بتعشق كرة القدم، وبين مصر والسودان متشابهين لامتلاكهم ناديين اصحاب شعبيه مثل الزمالك والاهلي، وهما الهلال والمريخ وهناك تنافس بينهما، في صلة نسب وقرابه وكنا دوله واحده، مش حابب وجود اي احتقان”.
وشدد الغندور:” رسالتي لجمهور الـ4 فرق، اوعى تفتكر ان انا علشان زملكاوي فهبقى ضد الاهلي، الاهلي مفيش بينا عداوة لكن بينا منافسه”.
واردف:” ماحدث في مباراة الهلال والاهلي، ايام فايلر كان في مباراة مصيريه وتاهل الاهلي يومها وجمهور الهلال نزل وربنا ستر، الهلال جه لعب مصر ولسه هيجي والمريخ، ولمابيحبوا يعملوا معسكرات بيجيوا مصر”.
واشار الغندور:” رغم ان زملكاوي وفي قناة الزمالك حزين لماحدث، وضرب علي لطفي حارس الاهلي ومنتخب مصر، وضربه على دماغه من وراه، عيب، انت ترضى ان لاعب هلالي اوميرخابي يضرب عندنا لا”.
واكد:” شئ غير مرضي ماحدث للاعبي الأهلي، عيب دكتور كبير يعتدي على احد اللاعبين، بكلم بما يرضي الله، احنا شعوب بتعرف الاصول والواجب وهيتم استقبال الهلال والمريخ احسن استقبال”.
وواصل:” بطالب الصحافه انهم متولعش الدنيا، اه احنا بنافس وبنختلف لكن مش اعداء ومنطلعش بره اطار الكرة، وندين اي خروج عن النص والصحافه في مصر والسودان تعمل على ده”.
واختتم:” دي رساله مني ومن قناة الزمالك ومجلس الادارة اننا بنقدر الاهلي وبنحترمه وعلاقتنا طيبه بكل لانديه، ولا اقبل ماحدث لعلي لطفي”.