“بيشوه صورة بلدنا”..وصله ناريه من حتحوت ضد مرتضى منصور ويتسائل متى يتحرك المسئول!!-فيديو
فتح الإعلامي هاني حتحوت النار على المستشار مرتضى منصور رئيس نادي الزمالك، بسبب تصريحاته الأخيرة والهجوم على البعض واخرهم الإعلامي إبراهيم فايق.
وقال هاني حتحوت في تصريحات تليفزيونيه ببرنامج “الماتش” عبر قناة”صدى البلد”: “اكيد حضراتكم عارفين بس رساله لنا جميعا في مليارات بتنفق في الرياضه كي تستخدمها لتحسين صورة الدوله كامله، وفي دول بتستني منتخباتها تتطور واعلامها علشان صورة الدولة تكون جميله وبتنفق مليارات الدولارت لتطوير الرياضة”.
واضاف:*في مصر بضغطة زر على اليوتيوب وبكاميرا بموبايل وبشخص واحد هو مرتضى منصور يوميا بنشوه صورة بلدنا، ونقول ولامين بيتهاجم ولا مين بيرد على مين وانما بلد بتتشوه”.
وشدد حتحوت:” الرياضه المفروض هي اكثر حاجه الناس بتابعها، لكن هو بيشوه صورة البلد بفيديوهات يوميه فيها سباب ومفيش حد متشتمش، ولاحد بيتحرك ولامسئول اتحرك، مسئولين في انديه ووزير الرياضه ووزراء اخرين ورئيس الوزارء ومسئولي اتحاد الكره وكبار وصغار ووسيدات ورجال اتشتموا”.
وواصل: “لو الموضوع شخصي الموضوع بيتنسى وهنقول الشتيمه مبتلزقش، ولكن صورة بلد بتقل بسبب مرتضى منصور، امتى المسئول يتحرك ويكون عنده بُعد نظر لان مصر بتضر، المشكله في البلد امتى هناخد قرار ومن مسئوليتنا لحمايه بلدنا من خلال قرار سيادي او غلق اعلامي تجاهه من اجل مصر الغاليه اللي كانت بتتقدم الا اننها بتاخر بسبب هذا الشخص”.
واكمل حتحوت:” الموضوع مش علشان الزميل ابراهيم فايق لكن اهو اخر واحد اتشت، لابد ان نتحرك كاعلاميين ونمنع ذكر اسمه ونقول الزمالك ولانناقش مايقول ولاتصريحاته وناخد موقف، الموضوع مش شخصي ولافئه بتتهاجم بل بلد”.
واختتم: “الناس كلها بتكلم امتى تنتهي القصة، لازم ناخذ موقف لانك هتتسأل لومش من الناس قدام ربنا لما شوفت واحد بيهين بلد كامله وساكت”.
