أعلن الإعلامي خالد الغندور، عن سبب صادم وراء استبعاد نجم الزمالك من مباراة الترجي، القادمه في الجولة الثالثة بدور المجموعات من دوري أبطال إفريقيا.
وقال الغندور في تصريحات تليفزيونيه ببرنامج “زملكاوي” عبر قناة “الزمالك”:” مبروك للزمالك واللعيبه الثلاثة كانوا مهددين بعدم القيد، بفضل جهود المستشار مرتضى وصدق معلوماتنا، تصريحاتنا كانت صح بشأن ازمة قيد لاعبي الفريق”.
واضاف:” كثير من الاعلامين كانوا بيعتبروا خبر عدم القيد انتصار لهم على مرتضى او الزمالك، ومكنش ببهمهم اللعيبه، حتى بعد ما الاتحاد الدولي رد بداوا يحللوا الرد هو قال شأن داخلي بس تتاكد، لازم يطلعوا ان في مشكله”.
وشدد الغندور: “كتير غلطوا المستسار مرتضى انه راح متاخر، والقصة وضحت من رئيس لجنة للتظلمات ان الاتحاد رفض ياخد الفلوس ومش فاهم ليه، احنا عملنا قصه من لاقصه، بشكر مجلس الادارة برئاسة المستشار مرتضى منصور علي حل الازمة”.
وواصل:” لسه سامع احد المنتمين للمنافس بيقول ازاي اتقيدوا في افريقيا، الزمالك قيدهم في القايمه الافريقيه وبمجرد ما اتحاد الكره واقف تلقائي تم تأكيد قيدهم افريقيا”.
واردف الغندور:” الثلاثي شبانه وناصر منسي وبلحاج مسافرين مع الفريق لتونس استعدادا لمواجهة الترجي”
واوضح:” اللاعب الوحيد المستبعد هو مصطفى شلبي لانه متأثر نفسيا جدا بسبب السوشيال ميديا والهجوم عليه بسبب تسريب العقد المزور،وعمل له مشاكل اسريه وانت بتقبض ملايين، شلبي عنده مشكله اسريه تقريبا احد اقاربه مريض لذلك لن يكون ضمن قائمة الزمالك لمواجهة الترجي”.
واختتم: “نشكر كل مسئول حكم صوت العقل، والزمالك اللي دور على حقه وانتصر الحق في النهايه، البعض بيصور ان مرتضى منصور جامد والناس تدخلت، والله لو اللعيبه مش على السيستم والله لو مين محدش كان عرف يقيدهم”.
