أكد الإعلامي خالد الغندور، أن الزمالك لن يستطيع الحصول على مقابل بيع إمام عاشور لاعب الفريق السابق الى نادي ميتلاند الدنماركي، وذلك بسبب الحجز على ارصدة النادي.
وقال خالد الغندور في تصريحات تليفزيونيه عبر قناة “الزمالك”:” اعلاميين اتكلموا ان الزمالك مستحيل يقيد لعيبته ومنهم مغرض ولن اتحدث عنهم”.
إقرأ ايضا.. “تطاول وتهديدات”.. حتحوت يكشف كواليس” خناقة” أحمد مرتضى مع فريق طائرة الزمالك!!
واضاف: لكن في 2 هتكلم عنهم لانهم مش عندهم اغراض، وهما مهيب عبد الهادي والصحفي محمد عراقي مش مغرضين واعلم ذلك حتى لواختلف معي الناس لان اعرفهم ممكن مصادرهم قالت لهم اخبار مغلوطه”.
وشدد الغندور:” في صحفي كاره للزمالك والمستشار بيحاول يستفز الزملكاويه ويدغدغ مشاعر الاهلاويه علشان يبقى تريند، في فرق بين اعلامي مجتهد وحد نقله معلومه غلط كان في ناس ف اتحاد الكرة كان بينقل لمهيب وعراقي انهم مش هيتقيدوا مهما حصل”.
واردف:” المستشار مرتضى راح جاب الكارنيهات علشان هو متحمل المسئوليه وان الزملكاويه محملينه ان هو السبب في القصه واتاخر في الدفع”.
وواصل:” الزمالك نجح في القيد وليس انتصار واي نادي بيقيد لعيبته لكن الانتصار بيكون على واحد ضد الزمالك، انا محجوز علي فلوسي هطلع شيكات ازاي وبيقولوا الشيكات مبتتصرفش طيب هنعمل ايه احنا النادي الوحيد المحجوز على ارصدته من رئيس النادي السابق ممدوح عباس”.
واكمل الغندور: “الزمالك مش عارف ياخد فلوس امام عااشور بسبب الحجز وكمان فلوس كهربا يعني كده5 مليون دولار، وفلوس مشاركة الجزيري في كأس العالم مع تونس”.
وأوضح:” اللي يستفزك اتحاد الكرة قال عاوز فلوس كاش وضمانات، والزمالك له مقابل اشتراك الجزيري في كأس العالم وقاله خدهم و9 مليون جنيه وهو يمتلك الحصول عليهم والزمالك اعطاه ورقه رسميه ورفضوا، وقالوا عاوزين فلوس كاش، طيب قيد اللعيبه ويوم الاحد لا سمعنا الكلام ده كتير، ورفضوا رغم موافقتهم للاسماعيلي على القيد رغم عدم دفعه المديونيات”.
واختتم:”من فضل اي اعلامي لما تقول معلومه حاول يكون في عدم حسم لانك بتحبط الزملكاويه وكمان المعلومه طلعت غلط، محمد عراقي صحفي ومسئول عن صفحة اتحاد الكرة وممكن هو اللي كتب بيان الاتحاد، ودخل مع عمرو اديب في برنامج كبير وقال مستحيل الزمالك يقيد لعيبته”.
