وجه الإعلامي خالد الغندور، رساله ناريه الى النادي الأهلي وإتحاد الكرة المصري بشأن ازمة قيد صفقات الزمالك.
وقال خالد الغندور في تصريحات تليفزيونيه عبر قناة الزمالك:” قيد لاعبي الزمالك هل نظام وسيستم والزمالك مش مشي عليه، ولا هو الموضوع شخصي وان المستشار مرتضى جاب سيرتهم في الاتحاد وقالوا والله لاخلي الجمهور يقلب عليك”.
واضاف:” الزمالك هل قيد لعيبته فعلا على السيستم ولا لا. ايوه الزمالك قيدهم على السيستم، لو انا اتحاد الكرة المصري واخد موقف ضد نادي بسبب مديويياته ازاي اوافق على رحيل امام واوباما ويبعت البطاقه الدوليه للسعوديه والدنمارك ازاي تسمح لعيبة الزمالك تخرج وتمنع تقيد المفروض طالما مانع تمنع كله”.
وشدد الغندور: “جيت انت بعت للاتحاد الدولي هو انا ينفع اقيد والفيفا دخل على السيستم لقي العيبه متقيده انت اتاكد ان الخطوات سليمه”.
واردف:” طلع مسئول كبير قال الاسماعيلي مدفعش والوزير قال هيدفعلهم وتم القيد، والعامري فاروق راح اكتر من مره وجدول ومازال عليه فلوس كل الاندية عليها فلوس طالما مش تحدي بينهم وبين مرتضى ومين ينتصر، يبقى القصه فلوس مقيدتش ليه”.
وواصل الغندور:” المفروض عندي نادي بيمثلني في افريقيا واتسببت ان صفقاته ميلعبوش في مبارتين وحصلت لي نتايج سلبيه، والمفروض اكون مساند للانديه ومعاون لهم”.
واكمل: “مادخل الانديه الاخرى وصحفيين الاهلي وانت مش قيدت وعليك فلوس مال الانديه التانيه بقصه مرتبطه بمديونيات، ارى الخناقه شخصيه بين الاتحاد والمستشار مرتضى”.
واكد:” اتمنى الاهلي ميدخلش نفسه في موضوع مش موضوعه، وزي مانا منعت من القيد من الفيفا فترتين يجي اتحاد الكره يمنعني مره كمان وعاوز فرقتي تنافس واقف على رجلي، اتمني القصه تنتهي لانها بايخه واضح انه اتحاد الكرة واخد ضد قرار مرتضى منصور وميعرفوش ان ضد الزمالك وجماهير
واختتم: “نتمني القصه تنتهي بكره اتمنى من المستشار عادل الشوربجي ان في قدره ندفع الفلوس ونحل نحل لان عندنا مباراة هامه امام الترجي”.
