وجه الإعلامي خالد الغندور، رسالة ناريه الى لاعبي نادي الزمالك، وذلك بسبب تراجع نتائج الفريق خلال الفترة الماضية، وطالب البرتغالي جيسفالدو فيريرا المدير الفني بضرورة منح الفرصه لعدد من اللاعبين.
وقال الغندور في تصريحات تليفزيونيه ببرنامج “زملكاوي” عبر قناة “الزمالك”:” لدينا مباريات هامه قادمه، منتظرين انتفاضة من اللعيبه في مباراة الترجي وتأدي بصورة فيها روح واداء واصرار واثبات الذات ده الحل الوحيد غير كده لا”.
واضاف:” عندنا مشاكل فنية كثيرة وخاصة في نصف الملعب والضغط علي الخصم والتمركز والكرات الثابته”.
وشدد الغندور: “لازم محمدصبحي ياخد دوره وناصر منسي وبلحاج والونش وفتوح، ولازم دونجا والسيسي والجزيري بيحاول ولكن الكرات مبتوصلوش”.
واردف:” الى لاعبي الزمالك لاما تثبت ذاتك لاما مش هيكون لك مكان بالزمالك”.
وواصل الغندور:” حمزة المثلوثي لاعب مؤثر وحصل على بطولات مع الزمالك، وارجل لاعب ولازم تحيه وتقدير له وده خلى طارق حامد يحط صورته معه علشان يقوله انت رجل”.
وتابع: “الفترة الجايه مجتاجين رجاله، ولازم اللعيبه تخرج نفسها بره الظروف وهو مأمنين مستقبلهم ولازم يلعب علشان يثبت ان لاعب جيد، مش بلعب علشان اخد فلوس”.
واشار الغندور:” لازم كلهم يكونوا على قلب رجل واحد، احنا زعلانين من اللعيبه اوي اوي ومن فيريرا، لازم الللعيبه والجهاز يصالحوا الجمهور لانه تحمل كتير جدا، انت بتلعب في الزمالك نادي كبير ولازم يكون عندك ثقه ف امكانيانك انت مش بتلاعب مع الريال اوليفربول”.
واوضح:” مش عاوز لعيبة الزمالك تزعل لان انتم اللي مزعلنا، لكن دورنا مساندتكم وننتظر الامل، جمهور الزمالك مش راضي عن الاسكواد ولا بعض اللاعبين بس هم دول مستمرين معنا واللاعبين لازم يأدوا في الملعب ويموتوا نفسهم، في لعيبه كتير مقصرة ومستواها بعيد ومش عاوز اقول اسماء”.
واختتم:” ماتش الترجي حياه اوموت اوعى تخذل الجمهور او تزعله”.
