وجه أحمد سليمان المرشح السابق لرئاسه الزمالك،رساله ناريه لرموز النادي من أجل التدخل لإنقاذه، وذلك بسبب مايعانيه الفارس الأبيض.
وقال أحمد سليمان في تصريحات إذاعية : نادي الزمالك نادي كبير ونادي جماهيري ونادي دولة، لازم يبقى في حل “.
واضاف:” الزمالك مش نادي فضائيات ومش نادي بتاع حجج، ممدوح عباس حجز على أرصده النادي وانا طلعت قولت ده غلط لانك بتدي حجة، زي اللي حصل في ملف القيد بتاع اتحاد الكرة، إحنا مش عايزين حجج ومش عايزين نفضل في نفس الدوامة وراء بعض”.
وشدد سليمان: “الزمالك كبير اوي والله والجمهور مظلوم ودمه بيتحرق”.
واردف:” لقيت ناس بتقول النهاردة هو ازاي الزمالك مغلوب 2 والجماهير قاعده عماله تشجع، يا اخي وانت مالك هو ده جمهور الزمالك وراء ناديه دايما احنا قعدنا سنين مبنخدشي بطولات والجمهور بيزيد مش بيقل .. الجمهور هو أفضل ما في الزمالك “.
وواصل سليمان:” لكن للأسف الناس متحركتش وقولت الكلام ده من 2017 وقت ما نزلت الانتخابات، في ناس اشتغلت في النادي واشتلغت في القناة ومفروض ابناء الزمالك استفادوا من الفريق وقت ما كانوا بيلعبوا وسايبين الوضع وساكتين، ويطلعوا يقولوا احنا خايفين نتعرض ليه”.
واكمل: “خايفين من ايه بعد ما اتعرض ليك ولاسراتك واتهاجمت بالاب والام، هو في اكتر من كده ايه مستنيه ؟”.
واختتم:” فأنا دايما اقول لازم الناس اللي لعبت في الزمالك وبقوا نجوم واستفادوا من خير الزمالك يتكلموا وميسبوش الفريق في الوضع ده”.
