انتقد محمود أبورجيلة أسطورة نادي الزمالك، لاعبي الفريق بعد التعادل مع المريخ السوداني سلبيا ضمن منافسات الجولة الثانية من دور المجموعات لدوري أبطال أفريقيا هذا الموسم.
قال أبو رجيلة في تصريحاته عبر برنامج الريمونتادا على قناة المحور: “اتصدمنا من تعادل الزمالك مع المريخ السوداني، كنا محتاجين نحل مشاكلنا من خلال الفوز على المريخ”.
أضاف: “مفيش جدية ولا روح، والمباراة كانت باردة بشكل غير معقول، وحسيت إن اللاعيبة بتلعب ببرودة أعصاب، وسهولة”.
وشدد ابورجيله: “المريخ كان أفضل وكان بيصنع فرص محققة للتسجيل، وفي ماتش سموحة المنافس كان أفضل من الزمالك”
واوضح: “لاعيبة الزمالك معندهاش قرار، مفيش حد بيصنع الفارق، عكس الفرقة زمان، كنا بنلعب زمان ببلاش، عشان خاطر نادي الزمالك، ورئيس النادي والإدارة مقصرتش مع اللاعيبة في حاجة، كنا بنلعب ببلاش وبنكسب، مش صعبان عليا إننا نخسر دوري أو افريقيا، لكن صعبان عليا حال لاعيبة الزمالك”.
واردف: “مباراة الترجي صعبة، خاصة أن اللقاء في تونس، ولاعيبة الزمالك مدلعين آخر دلع”.
وأختتم: “رئيس النادي قاعد يطبطب على اللاعيبة ومخصمش من حد، اللاعيبة دي مدلعة آخر دلع”
واختتم: “لازم اللاعيبة تكسب ماتش الترجي، وترجع تفرح جمهورها تاني”
