يرى رضا عبد العال نجم الأهلي والزمالك السابق أن مصطفى شلبي جناح فريق الزمالك يحتاج للدعم الجماهيري من أجل التألق.
وقال رضا في تصريحات إذاعية صباح اليوم السبت في برنامج “طويلة وعالية” مع هاني حتحوت عبر إذاعة الشباب والرياضة “مصطفى شلبي والله ده رمضان صبحي، بس ازاي تبقى نازل مباراة وجمهورك بيشتمك”.
اقرأ أيضًا | تقارير: لاعب الأهلي ينتفض ويخرج عن صمته ويطلب عقد اجتماع عاجل مع كولر!!
وتابع “جمهور الزمالك فكرني لما كنت بتخانق معاهم اقولهم حسين السيد الي هيلعب مش نادر السيد ولا ايمن طاهر ولازم تدعموه، وكانوا وقتها بيشجعوا اللاعب الي موجود على الدكة، وده كان بيسبب إحباط لحسين السيد”.
وأضاف “انت بتشتم مصطفى شلبي من قبل ما يبدأ الماتش، هيلعب هو ازاي؟، هو اهلاوي وكان هيروح الأهلي وده مش ذنب، ما في لعيبة زملكاوية في الأهلي والعكس صحيح”.
واختتم رضا عبد العال تصريحاته “يجب على جمهور الزمالك أن يحتوي مصطفى شلبي، علشان لو راح حتة تانية هيندمكم”.
