أكد طارق يحيى مقدم برنامج زملكاوي عبر قناة الزمالك ان هناك حالة من عدم التعاون بين البرتغالي جيسفالدو فيريرا المدير الفني للفارس الأبيض والجهاز المعاون له بقيادة أسامه نبيه.
وقال طارق يحيى في تصريحات تليفزيونيه ببرنامج “زملكاوي” عبر قناة “الزمالك”:”في حالة عدم استقرار اداري نتمنى الخير للزمالك، والناس الموجوده لتيسيرالاعمال لحد مانشوف حل الازمه دي”.
واضاف:” هنا اخطاء فنيه وانفراد بالقرارات، ووضح من التغييرات، احنا بنكلم من منظور فني ومتاخدش الامور ع صدرك”.
وشدد يحيى: “احنا بنتكلم للصالح العام ولازم يكون في تشاور في الجهاز الفني، وطالما هم ولاد النادي وكباتن كبار وخايفين عليه ومعك جهاز معاون محترم، مفيش نوع من الاستماع واعرف حاجات كتير ومش هعرف اقولها وبتكلم من منطلق المصلحه العامه”.
واردف:” لايوجد اي تجهيز للاعببين المستبعدين ولايوجد تخطيط ولا حتى مباريات ودية، هو موسم صعب، احنا بنشتغل خارج المنطق فيريرا ليس هو فيريرا 2022، ولما نتكلم يقولك ياعم ده البروف على عيني وراسي وانا بتعلم منه وبتابع التدريبات، ولكن مايحدث صعب نتقبله
واوضح يحيى: “عندنا نجوم كبار على الدكه لازم اسمعلهم علشان المركب تمشي ونبطل عناد والدماغ الناشفه ويكون في مرونه لصالح الزمالك، واللي احنا شايفينه انت كجمهور شايفه نتمى نسمع لبعض والاداء يرجع افضل”.
واشار:” الموسم الحالي في صفقات على عكس العام الماضي، ممكن في عدم توفيق لكن افوق ولادي ونعمل ماتشات وديه ومنفطسش اللعيبه، ليه دايما حكمنا سريع على الصفقات بدون فرصه مينفعش احكم على لاعب من اول موسم ده امونيكي قعد موسم مفيش حاجه”.
واختتم:” الامور لازم تتاخد احسن من كده حتى لو بنخسر معلش ندعمهم اللعيبه زعلانه لانه بيخسر حاجات كتير فلوس واسمه لازم انا اساعده لانه هيكسبني اتمنى من الجمهور مساندة ناديه وفرقنا لان الكيان هو اللي باقي”.
