في مقدمة نارية.. إبراهيم فايق يفحم مسؤولي اتحاد الكرة على الهواء بعد فضيحة منتخب الشباب – فيديو
فتح الإعلامي إبراهيم فايق النار على مسؤولي اتحاد الكرة المصري بسبب فضيحة منتخب مصر للشباب الأخيرة وخروجه من الدور الأول من بطولة دوري أبطال إفريقيا المقامة حاليًا في مصر.
وقال “فايق” :”كنت أتخيل أن يعقد مجلس إدارة الاتحاد مؤتمر صحفي يتم اختيار فيه شخصية بعناية للحديث عن خطة إدارة المرحلة القادم، لكن واضح أن هذه التخيلات لن تحدث”.
وأشار :”مفيش عندي كلام أقولة لأني مش لاقي كلام جديد، ومفيش اي جديد بيحصل، وبشدد تاني انا مكنتش في اتحاد الكرة قبل كده ولا هكون في يوم من الأيام، ولا ليا قرايب في اتحاد ولا هيكون ليا قرايب هناك ولا في دماغي القصة دي”.
وأضاف “فايق” خلال تقديمه حلقة جديدة من برنامج “جمهور التالتة” على قناة “أون تايم سبورت 2″ :”أنا مواطن مصرى ربنا أنعم عليا أقف قدام الشاشة علشان اقدم للمواطنين خدمة ليها علاقة بالكرة”.
وتابع :” “أنا معنديش مصلحة أنا مواطن عادي زي اللى بتشوفهم في الشارع ومش بترضوا تسمعوا ليهم أو تقفلوا باب العربية في وشهم لو عايزين تحسبوني على حد احسبوني على البد”.
ووجه “فايق” حديثة للمسؤولين في اتحاد الكرة قائلا :”ياجماعة أنتوا عندكم مشاكل كتير جدا ولو عايزين تحولها الطرق مفتوحة، ولو مش عايزين تحلوها ما تشموا وخلاص”.
وأختتم “فايق” :”لو الموضوع اكبر منكم اطلعوا وقولوا كده قولوا فيه عراقيل اكبر مننا بتواجه مسار التصحيح، لكن واضح أن كل دي خيالات”
شاهد:
