“كفايه رمي كلام”.. رد قوي من خالد الغندور على تصريحات لاعب الأهلي السابق ضد جمال عبد الحميد!!

دافع الإعلامي خالد الغندور، عن جمال عبد الحميد عضو مجلس إدارة نادي الزمالك، بعد تصريحات محمد عباس لاعب الأهلي ضده.

وقال الغندور في تصريحات تليفزيونيه ببرنامج “زملكاوي” عبر قناة “الزمالك”:” دايما رموز الاهلي بيهاجموا جمال عبدالحميد وقالوا انه بيسهر ومَاشيه بطال، وليه مطالبتش برحيله من الاهلي، وهو بيسهر وماشيه بَطال، لكن لما القصبه اتكسرت اكشتفنا ان في حته في قصبة رجله ماشيه بطال ومشيناه”.

واضاف:” كابتن جمال عبد الحميد عندما رحل عن الاهلي وانتقل للزمالك وفاز معه ببطولات افريقيا وكان احد نجوم مصر في افريقيا86 وقاد مصر للتأهل لكأس العالم، احرز هدف في ماتش ساجل العاج وتأهلنا لنهائي افريقيا كابتن جمال اللي ماشيه بطال اعتزل في سن 36 والاسطورة الخطيب اعتزل 32″.

وشدد الغندور: “كابتن جمال اعتزل وهو هداف الدوري وبطل الدوري مع الزمالك وهو ماشيه بطال عرف يرجع وياخد الدوري ويعتزل 36 سنه واساطير مصر الخطيب اعتزل هو في سن32 وكابتن زيزو 26 سنه”.

واردف:” كابتن طاهر ابوزيد احد اساطير الكره وافضل المواهب في مصر ولم يأخذ حقه مارادونا النيل واللاعب الذي قاد مصر للفوز ببطولة افريقيا، بلاش نقعد ندوس على رموزنا لمجرد ان مشي من الاهلي رجله مكسوره وبقي نجم وبقي كابتن مصر في كاس العالم، والغريبه ان كابتن محمد عباس اللي بيكلم اعتزل لاسباب لا احب ان اتحدث عنها وهو كان لاعب مميز”.

واوضح الغندور:” كفايه تشويه لرموزنا، زي ما اقول كابتن الخطيب وطاهر ابوزيد وكابتن حسن شحاته وجمال عبدالحميد دول رموزنا، عبد الحميد تحمل كثيرا وقدر يرجع من كسر في رجله حتتين ليعود ليكون نجم مصر وهدافها كفايه رمي كلام على واحد من نجوم الكره المصريه لمجرد انتمائه للزمالك”.

واشار:”حتى كابتن حازم امام المحترم اتهاجم من الاهلاويه لمجرد انه جاب فيتوريا ولانه زملكاوي، وبتقولوا ان اننا بنخلق تعصب لكن انتم بترموا كلام وتشويه ضد رموزنا”.

وزاد الغندور: “مواقف كثيرة والاعلام ضد الزمالك زي النقاز وكهربا اللي الزمالك انتصر فيها الاعلام بيعمل لصالح كهربا ايه ده ياجماعه، ازاي انا زملكاوي جدا شغال في الاعلام واتريق على الزمالك والنادي اللي بتشجعه وشغلنتك تتريق على الزمالك ولعيبته وادارته وفيريرا وتمجد الناحيه التانيه يبقى انت مُغرض”.

واختتم:” مفيش زملكاوي اوي شغال في الاعلام ويتريق على الزمالك ويمجد التاحيه التانيه ويعطي مبررات للمنافس ده اعلام غريب جدا”.