حرص أمير مرتضى منصور المشرف العام على الكرة بالزمالك، على توجيه رسائل هامه لجماهير الفارس الأبيض.
وقال أمير مرتضى في مداخله هاتفيه عبر قناة الزمالك: “كلنا تحت التقييم ولكن في الوقت المناسب لما الموسم ينتهي، او ولايه المدرب والمجلس ينتهوا، نبقى نقيم مش تقيم قبل الماتش وبين الشوطين”.
واضاف:” من السهل امشي او المدير الفني او اللاعب، اسهل نستسلم ونمشي، لكن في الاخر ولا دي شجاعه ولامسئوليه، ولما يحصل حمله على السوشيال ميديا ممكن جزء موجه وجزء ناس متضايقه فعلا من وضع الفريق”.
وتابع مرتضى:” لو تم اغتيال اللعيبه معنويه مش هعرف اعطيهم دوافع، ان شاء الله ماتش سموحه تكون البدابه “.
وواصل:” مستغرب ازاي مفيش فار في دور المجموعات بافريقيا، في ظروف خارجه عن ارادتنا وممكن نكون احنا السبب، ممكن ادارة ازمه غلط او تشكيل غلط، احنا بنغلط ونقول وبنتحمل المسئوليه في الظروف الطبيعيه، وفيريرا اعترف انه اخطأ في تغيير، لكن هناك حاله تربص وتوقيع لاعب علشان فلان اختاره فوقعه”.
واختتم:” اتمنى من الجمهور قيمنا وحاسبنا نهاية الموسم، دي كره، انا رصيدي فيه7 بطولات نفسي احيب بطولة افريقيا ونحافظ على الدوري ولكن مش هعرف اعمل ده لوحدي ولازم الجمهور يكون عنده وعي احنا هننجح بالجمهور ومش هننجح لوحدنا”.
