مدرب منتخب الشباب: ربنا أنعم عليّ بهذه النعمة.. وأخرجت من اللاعبين أشياء سترونها أمام السنغال!!
تحدث محمود جابر المدير الفني لمنتخب مصر للشباب، عن المواجهة المُقبلة أمام السنغال في الجولة الأخيرة من دور مجموعات بطولة كأس الأمم الإفريقية تحت 20 عامًا.
وتعادل منتخب مصر في الجولة الأولى أمام موزمبيق بدون أهداف، ثم خسر من نيجيريا بهدف نظيف، ويتبقى له مواجهة أخيرة في دور المجموعات، غدًا السبت، أمام السنغال، وتُعد الفرصة الأخيرة للشباب من أجل التأهل إلى الدور الثالث كأفضل 3 منتخبات بالمركز الثالث.
وقال محمود جابر في تصريحاته خلال المؤتمر الصحفي اليوم الجمعة: “الجميع منتظر ماتش بكرة اشتغلنا ع الجانب النفسي حسيت اللاعيبة عندها تحدي وصلنا ليهم ان في أمل وفي استجابة كبيرة من اللاعبين واستعداد ذهني وبدني وفني، بنحاول أد ما نقدر نرجع اللاعيبة تاني علشان تركيزهم يكون في الملعب بموعد إن محدش يبخل بأي جهد علشان يكسب الماتش”.
وتابع: “جمال علام قعد مع اللاعيبة بعد المباراة الاخيرة واعضاء المجلس اتصلوا وكان موجود ابو الوفا والكومي مشهور، تركيزنا في ماتش بكرة، لو في قصور كنت انا اتكلمت، او بصينا للامور بشكل عام، في توفيق وعدم توفيق، خلقنا فرص سهلة جدا ادام نيجيريا، اللاعيبة حاولت تنفذ وتعمل المطلوب، الموضوع مش اعداد غير جيد، كنا محتاجين شوية حظ”.
وأضاف: “محتاجين تركيز وهدوء ومحتاجين نسبة حظ والحظ بييجي للمجتهد واحنا اجتهدنا ولو كنا موافقين في فرصة واحدة ادام نيجيريا كان الوضع اختلف لكن طالما ارتضينا نكون في المكان ده لازم نتقبل الانتقادات”.
وواصل: “الماتش اللي فات احيانا اعتمدنا على كرات طويلة وكرات من العمق لكن كل الامور دي متوقفة على تركيز اللاعيبة، في مباريات كتير قوية وكسبناها بفرص اقل من اللي جاتلنا في ماتش نيجيريا، ماتش موزمبيق الشوط الاول مكناش جيدين واتحسنا في الشوط الثاني وماتش نيجيريا كنا جيدين، واتوقع بكرة نقدم ماتش كبير”.
وأردف: “خلقنا فرص في مانشيت موزمبيق ونيجيريا، انا اتفرجت ع ماتش السنغال ونيجيريا، السنغال جابت جول وخلقت فرصة واحدة، إحنا خلقنا فرص كتير أمام نيجيريا، كون اننا مسجلناش دي حاجة مش مشكلة لكن تبقى مشكلة لو مخلقتش فرص انما طالما بتخلق فرص يبقى محتاج تركيز في إنهاء الهجمة واهتمام أكبر”.
واستمر: “ربنا مديني حاج كويسة إني ماليش في الميديا مقريتش حاجة ولا اتفرجت بالنسبة للاعيبة بحاول اخد منهم التليفون لكن هنا متابعين، الانتقاد ممكن يبقى تحدي للاعبين يثبتوا ذاتهم، العلاقة بيني وبين اللاعبين جيدة جدًا بعرف ازاي ادخلهم في مناطق معينة علشان أحفزهم وانا شايف في تحدي عند اللاعيبة”.
واختتم: “طلبت من الجميع الهدوء بعد الماتش الاخير ومحصلش أي اجتماعات الا بعد الغدا في اليوم التالي وبدأنا جلسات فردية وطلعت من اللاعيبة حاجات هتشوفوها بكرة، لازم يكون في دعم للاعبين”.
