كشف أحمد إبراهيم مدير شئون اللاعبين بالزمالك، آخر تطورات أزمة منع إتحاد الكرة قيد الصفقات الشتويه للفارس الأبيض بسبب المديونيات المستحقه لهم.
وقال أحمد إبراهيم في مداخله هاتفيه في برنامج “زملكاوي” عبر قناة “الزمالك”:” بدون حكم قضائي لايحق ايقاف القيد، ولم يخطرنا احد بمنع القيد ولا تحذير والايميل الخاص بي بتستقبل عليه كل مخاطبات اتحاد الكره ولم يصلني منهم اي اخطار اوتحذير بالمنع”.
واضاف: “بدايه الموسم امير راح قعد وسوينا كل المديونيات علشان رخصه الانديه المحترفه، وتفاهمنا على جدوله وكان في خطأ في28 مليون جنيه زياده واقروا بده وتم تخفيض المبلغ”.
وشدد إبراهيم:” المديونيه قيد الدارسه ممكن اطعن عليها وندخل في القضاء للحكم عليها، وفقا للوائح فترات التسجيل من 1 الى 31يناير وانا بضيف اللاعب واسمه مسجل وعملت اللي عليه واتحاد الكره منوط يقبلها وقت ما يشوف هو المهم انا حطيته في التوقيت المناسب”.
واردف:” انا كنادي معرفش احذف اللاعب هو خلاص علي القايمه ومسئولي الاتحاد عارفين ده، ومعايا مستندات ان لعيبه اتسجلت يوم31 والاتحاد وافق عليهايوم8 فبواير هنقول حقهم ولهم مستحقات وراح رئيس النادي المفروض يعملوا له قيمه”
وواصل: “المستشار مرتضى عرض شيك من حسابه الشخصي ومش محجوز عليه، وليد العطار رفض وقال مش هقبل شيكات، وفي سوء نيه تجاه الزمالك والمفروض المؤسسات تقف جانب بعضها وميبقاش في تعنت، الاجراء غير قانوني وضد لوايح الاتحاد المصري قبل مايكون الاتحاد الدولي”.
واشار إبراهيم:” اللايحه بتقول تسجيل اللاعب، وطلبنا بطاقه دوليه للاعب هاوي من الكويت وبعتنا بطاقه امام عاشور والقيد شغال اهو، وكابتن وليد العطار قالي هنعمل ايه ف المديونيه قلتله في فلوس الجزيري وهعرض علي سيادة المستشار واستنى اعرض على مجلس الاتحاد وحسيت مبدئيا لازم جواب من الزمالك للموافقه على حجز مستحقات الجزيزي”.
واختتم:”روحت الاتحاد ومعنا جواب اننا موافقين انهم ياخدوا 9 مليون مقابل اشتراك الجزيري في كأس العالم ياخدوها، والمستشار مرتضى موقع عليه داخل الاتحاد، الموضوع ابسط من كده، المفروض نطبق اللوايح وتاخد حقك بطريقه اشيك من كده، لائحيا اللاعبين مقيدين والزمالك محتفظ بحقه في قيدهم لو الفلوس ادفعت خلاص”.
