مرتضى منصور يحذر الخطيب من إنقلاب شوبير ويفتح النار على محمد شبانة – فيديو
فتح المستشار مرتضى منصور رئيس نادي الزمالك على الإعلامي أحمد شوبير ومحمد شبانة بسبب تعامل الثنائي مع أخبار نادي الزمالك، مشيرًا إلي أن الثنائي يعمل على ضرب استقرار القلعة البيضاء.
وقال ” مرتضى” :”كويس إننا في مجلس الإدارة، واقفين على رجلينا، ومحدش ليه جنية عندنا في النادي سواء اللاعبين أو العاملين والموظفين”
وأضاف “مرتضى” في الفيديو الذي نشره على صفحتة على “اليوتيوب” :”نادي الزمالك مش هيقف على رئيس نادي أو لاعب أو أي فرد، وفيه شريحة من الجمهور بتضغط على الإدارة كل شوية”.
وتابع :”الأخ شبانة ضرب خبر إن الفندق اللى مقيم فيه فيريرا انذرة بالطرد لعدم سداد المستحقات المالية للفندق، وهذا أمر غير صحيح لأننا نقوم بسداد مبلغ تأميني مع توقيع العقود في البداية”.
وأوضح “مرتضى” :” يتم سداد المستحقات الخاصة بفندق إقامة الجهاز الفني كل ثلاث شهور نظرًا لأن العقد بين الإدارة والفندق هو عقد سنوي، والمجلس قام بسداد إيصال اخر ثلاث شهور بالفعل”.
وفتح “مرتضى منصور” النار على الإعلامي أحمد شوبير قائلا :”بقول للخطيب أقسم بالله لو مشيت مصطفى شوبير، تاني يوم هيطلع شوبير يهاجمك ويقول عليك انك كنت من كفار قريش”.
وأكمل :”شوبير شخص عدو نفسة ومش شايف غير ابنة اللى ملعبش غير دقائق معدودة في الأهلي وبياخد 7 مليون جنية، وجرب هات مصطفى شوبير الزمالك هيطلع يقول مرتضى منصور من أولياء الله الصالحين”.
وأختتم “مرتضى” :”بقول للجماهير دعم فريقك سيبك من العيال اللي بتفتي سببكم من شوبير ولا اللى بيسمع شوبير ده عنده تخلف عقلي وعته هو بيحرج الدولة والشركة المتحدة، وبيطيح يمين وشمال وهنخلص منه قريب”.
شاهد:
