اعلن المستشار مرتضى منصور رئيس نادي الزمالك موعد إستلام كارنيهات الصفقات الجديدة التي تعاقد معها الفارس الأبيض في الانتقالات الشتوية، بعد انتهاء الازمه مع أتحاد الكرة المصري وسداد جزء من المديونيات
وقال مرتضى منصور في فيديو تم بثه عبر قناته على “اليوتيوب”:” الحمدلله الحمد لله انتهت ازمه قيد الاعبين، وانتصر صوت العقل والحق، واثبت ان احنا كنا صح،و مسجلين اللاعبين في التوقيت الصح، وكنا منتظرين الفيفا للرد وكنا عارفين هيقولوا شأن داخلي”.
واضاف:”انا بلتمس العذر لاتحاد الكرة انه بعت للفيفا علشان المنافس كان هيشتكي، ويقول ازاي قيدتم بعد انتهاء فترت الانتقالات، واي حد هيشتكي يخبط دماغه في الحيطه حاليا”.
وشدد مرتضى: “بدلا من أن يقوموا بالشكوى بسبب لاعبين مقيدين بالفعل مع الزمالك عليهم أن ينظروا إلى اللاعب الهارب عندهم، ورغم أنه لعب وهو موقوف فإننا لم نشتك ولم نتحدث، نحن دائما نتجنب المشاكل مع النادي الأهلي لأن هذا البلد لا يحتمل أي فتنة”
واردف:” الاهلي له كل الاحترام والتقدير، مشكلتي مع الخطيب هتنتهي، وهيفضل احترامي للاهلي انا عضو عامل في النادي الاهلي من قبل الخطيب، ويشرفني ان عضو فيه رغم ان الزملكاويه بيزعلوا لما بقول كده واعرف قدر وقيمه الاهلي مثل مااعرف قدر قيمة الزمالك”.
وواصل:” الحمدلله انتهت ازمه القيد، ويقولوا كلام فارغ ولسه لجنة التظلمات هتقول رايها، وبقول لشوبير دفعنا 4مليون وفي حسن نيه لانهاء الامر مع الاتحاد وخطوات بناخدها علشان لما تقيد محدش يتعرض في شيك سلمناه للاتحاد بقيمه3 مليون ايضا، وتسلمنا ايصال منهم بذلك بتاريخ16فبراير وبلغ قيمه ما سددناه 7 مليون جنيه”.
واشار مرتضى:” نرجع بقى عاوز اخاطب الجماهير انتم ناسين ان في حجز من ممدوح عباس علي ارصدة الزمالك بدل ما توجه سهامك له بتشتمني انا ليه؟، كويس احنا وافقين على رجلنا وبندفع مستحقات اللعيبه ومرتبات الموظفين وفرع 6 اكتوبر بدا العمل فيه، امسك في رقبة ممدوح عباس مش رقبتي انا”.
وتابع: “مبروك ياجمهور الزمالك انتهاء ازمة القيد، الزمالك جاب 3 لعيبه محترمه في اماكن محتاجنها
وعندنا لعيبه محترمه وصفقات بتشتم قبل ماتلمس الكره مش هقول لفيريرا انت مش بتلعب سامسون ليه مع جهاز فني يناقشه”.
واوضح مرتضى:” مفيش لاعب دخل الزمالك الا باختيار فيريرا كان بيتعرض عليه10 اسماء وبيختار منهم بعد متابعته، ربنا يوفق ولادنا بكره علاقتنا بالسودان كويسه وشعب راقي محترم وكنا نتمتي نلعب هناك وبعدها عندنا الترجي في تونس وربنا يوفقهم”.
واستطرد: “في سؤال للكاف، ليه الهلال بيلعب بدون جمهور مع الاهلي عاوزين نعرف ليه علشان تحقيق العداله”.
واكمل:” كل للتحية للجيش والحكونه الليبه حاحه محترمه كلمت السيد نائب رئيس للاركان شايلين ولادتا فرق للروس
واختتم: “يوم الأحد سيتم إستلام كارنيهات اللاعبين، وسيتم جدولة المديونية الخاصة باتحاد الكرة”.
