فتح المستشار مرتضى منصور رئيس نادي الزمالك،النار على الإعلامي أحمد شوبير والمنتمي للاحمر، بسبب تصريحاته الكيديه بعد تأهل الأهلي لمواجهة ريال مدريد في نصف نهائي كأس العالم للأنديه.
وقال مرتضى منصور في مداخله هاتفيه ببرنامج زملكاوي عبر قناة الزمالك: “مين الرداحه اللي بتردح دي، يادوله يا مصريه قناة الزمالك ملهاش علاقه بقناة اون تايم من الان”.
واضاف:” بيقول الاهلي هبه من ربنا لمصر، وبتقولوا مرتضى سبب الاحتقان، ده ناقص يقلع ويقوم يرقص ياكل المسئولين عن اون مين الرداحه ده، انت وصمه عار في جبين الاعلام المصري، ايه الردح ده احنا ياعم كذابين لكن ماخدناش ساعات من حد ولا اخذنا 228 مليون جنيه من حد”.
وشدد مرتضى:” اقعد الزمالك على جزء من حجرك، في الوقت اللي انت مقعد الاهلي على حجرك كله”.
واردف: “احمد موسى طالع يتنطط، ومهلتك خلصت يا ابوالعنين اوعى تنسى ان كنت المحامي بتاعك وعارف عنك كل حاجه، ومستضيف خالد مرتجي ويقول سيب التانين يجعجعوا، اومال مين جاب النكسه لمصر مش اللوا مرتجي والدك، لموا نفسكم انا لامم نفسي يا اخي اناهنئت الاهلي بالماتش اللي فات”.
وواصل مرتضى:” هناك غسيل اموال، وتقولي هات صفقات منين وانا محجوز على ارصدتي، كويس ان جبت 14 لاعب، انت يامرتجي بتقول بنجعجع دي نكسة 67 بطلها والدك، احنا في حالنا ونتفرج على مهازل بتحتكوا بنا ليه”.
واختتم: “المخبر احمد موسى نصف اللي جابهم في التقرير زملكاويه بالمغرب وباركوا للاهلي، الفتنه نائمه وللصبر حدود وبلاش تستفز ملايين من جماهير الزمالك”.
