وجه المستشار مرتضى منصور رئيس نادي الزمالك سؤال ناري لحازم إمام عضو مجلس إدارة إتحاد الكرة، بشأن منع قيد صفقات الفارس الأبيض من قبل مسئولي الجبلايه.
وقال مرتضى في مداخله هاتفيه ببرنامج “زملكاوي” عبر قناة “الزمالك”: “انتوا قاعدين تهروا من الصبح في موضوع مش هو القضيه اساسا ، القضيه مش قضيه مديونيه ولا فلوس ، القضيه هي كسر الزمالك.
واضاف:” بقول للجمهور اللي قاعد يعملي بيانات انتوا مش جمهور الزمالك ، بتقول اني اللي دمرت النادي ، انا مستلم النادي خرابه كرويه ، ايه علاقه احمد موسى و خيري رمضان بالكوره ، مش دول اهلاويه ؟ “.
وشدد مرتضى:” نفس المؤامره اللي اتعملت عليا قبل كده بتتعمل تاني دلوقت ، انت مش جمهور الزمالك الحقيقي ، انت لو عندك دم تقف ورا النادي” .
واردف: “النهارده كنت عند الوزير قولتله انا قرفت عاوز امشي ، مبقتش طايق قله الادب، كهربا الموقوف دوليا يلعب والـ3 بتوع الزمالك المحترمين ميلعبوش القصة بيبو ميزعلش، القصه مش فلوس، مش عاوزه اتكلم لان الدوله فيها قيادات محترمه وادينا فرصه نحل وهم اتورطوا في قرار خاطئ”.
وواصل مرتضى:” انت بتكذب يا استاذ حازم ياامام وقولت محدش كلمك علشان ازمة المنع لا وليد للعطار ومحمدابوالوفا كلموك وقولتلم لا، طيب لماعرفت ان في ازمه للزمالك عملت ايه؟.
واكمل:” هات لي نص بالايحه من شروط القيد الفلوس، والتسجيل واضح شروطه قبل 31 يناير والقيد ليس له علاقه بالفلوس، لنفترض ان والشركه الراعيه اختلفنا لا املك منع دخول الكاميرات لاذاعه الماتشات تبقى بلطجه”.
واشار مرتضى:” انت مش عاوز تدوس علشان البطاقه اللي عملتوه ممكن يلغي النشاط الرياضي في مصر، ومعايا فيديو بماحدث واستاذ محمد ابو الوفا وقالي قاعدين للساعة11 علشان نحاول تشوف حل، مع احترامي للاهلي وجماهيره هل الاتحاد الدولي قالك خلي كهربا يلعب”.
واكد:” رئيس نادي اسوان جاب الاستغنا بتاع بلحاج الساعه9 وناصر منسي الساعة8 والاستاذ فرج عامر رفعه متاخر، انا مش شغال عندك بيان جماهير الزمالك لا انت مرتشي انت لوزمالك تقول ان جاب 40 بطوله وعملتلك قناة”.
وأختتم:” بيطلع خيري رمضان يشتمني وشوبير وتامر امين وعيل من لجان الاهلي يبعتلي فيديو لابراهيم فايق واخد مرتضى منصور غسيل ومكواه، ورديت علي ابراهيم فايق لان العنوان بيشتمني وبيقول واخد مرتضى غسيل ومكواه وناس كلموني قالولي العنوان غير الفيديو وانا بقولك متزعلش يا ابراهيم، ورده عليا اللي فيه شتيمه قولتلهم في مكتبي متعملش به قضيه”.
