مفاجأة.. مرتضى منصور يوضح موقفه من التصعيد ضد إتحاد الكره بعد قيد لاعبي الزمالك!! -فيديو

أكد المستشار مرتضى منصور رئيس نادي الزمالك،
انه لن يصعد ضد إتحاد الكرة المصري بعد قيد صفقات الفارس الابيض الشتويه وتسلم الكارنيهات الخاصة وانتهاء الازمة تماما.

وقال مرتضى منصور في فيديو تم بثه عبر قناته على اليوتيوب: “الحمدلله ازمه وعدت على خير، كل الناس اللي بتقول نتخانق ونحاصر الاتحاد،كل ده كلام فارغ انت قيدت لعيبتك ولك حق وتاخده باي طريقه بالادب او المحكمة او لجنة التظلمات المهم تاخد حقك”.

إقرأ ايضا.. “تطاول وتهديدات”.. حتحوت يكشف كواليس” خناقة” أحمد مرتضى مع فريق طائرة الزمالك!!

واضاف:” الحمدلله وقيدنا اللعيبه اخدنا الكارنيهات
اناجيت بنفسي لان في امور تتعلق هل الشيك له رصيد اولا واتصلوا بالبنك واتاكدوا وتم انهاء الازمة”.

وشدد مرتضى: “الثلاثي اخدنا موافقة الوزير ومسافرين مع الفريق لتونس لمواجهة الترجي”.

واردف:” بقول للجماهير كل واحد ل هدور هذه المأموريه الصعبه انهاها اميرمرتضى ومعه 3شباب من شئون اللاعبين بالنادي، بشكر امير انه قاد هذه المعركه بدبلوماسية الازمه انتهت واللي يقولك ارفع قضيه هقوله محبش الخيانه الموضوع انتهى تماما”.

وواصل مرتضى:” اخدنا حقنا واللجنة قالت ده حقنا وقالوا لسبب غيرمفهوم رفضوا القيد درس انك تقف ورا حقك علشان تاخذه، نركز ولانتخانق ولما كنت بتخانق انت بتتخانق ليه؟، ولما اتحلت بطريقه هاديه قولت لا، اقفل الشباك والاافتحه”.

واكمل:” ياجمهور الزمالك المحترم، كل قلة الادب هري ولا لها لزمة الحق انتصر بالصبر والهدوء لسه الدوري طويل ولسه افريقيا وربنا يكرمنا، ومع احترامنا للاهلي ماتش اسوان مش فيصل ولاتحبطوا الدوري لسه طويل”.

واستطرد مرتضى:” مش عاوز اشكر حد غير امير واحمد مع الشبان التلاته،وبقول للجمهور ادعوا ربنا يكرمنا والجمهور المتزملك هيدعي علشان نخسر علشان يقبض، بقول ياجمهور الزمالك افرح ومش هنرفع قضيه، ببارك لاحمد وناصر وشبانه”.

واختتم: “22 يوم في مشكله كبيرة اتحلت، ونركز في بطولاتنا وياجمهور الزمالك اقف ورا اللاعبين وشجعهم ولاخر مره انا رئيس محلس ادارة الزمالك، وفيريرا رئيس مجلس ادارة الكرة والنائب بتاعه اسامه، وربنايوفق الولاد امام الترجي”.