رد المستشار مرتضى منصور رئيس نادي الزمالك، على تصريحات خالد مرتجي عضو مجلس إدارة الأهلي، بعد تأهل الأحمر لنصف نهائي كأس العالم للانديه.
وكان خالد مرتجى قد قال: “علشان نياتنا كويسه وعشان بنشتغل ومبنتكلمش كتير ومش بنمسك الحديده ونقعد نقول كاني وماني ربنا بيكرمنا، اتعودنا اننا منردش على السفاهات ولا نرد على اي حد ، احنا ناس بتشتغل وشغلنا ونتايج شغلنا هي اللي بترد على كل واحد مش عارف قدر الاهلي، ولا عارف قدر محمود الخطيب الاسطوره اللي عمل اسمه من نجيله النادي الأهلي”.
وقال مرتضى منصور في مداخله هاتفيه ببرنامج زملكاوي عبر قناة الزمالك: “مين الرداحه اللي بتردح دي، يادوله يامصريه قناة الزمالك ملهاش علاقه بقناة اون تايم من الان”.
واضاف:” بيقول الاهلي هبه من ربنا لمصر، وبتقولوا مرتضى سبب الاحتقان، ده ناقص يقلع ويقوم يرقص ياكل المسئولين عن اون مين الرداحه ده، انت وصمه عار في جبين الاعلام المصري، ايه الردح ده احنا ياعم كذابين لكن ماخدناش ساعات من حد ولا اخذنا 228 مليون جنيه من حد”.
وشدد مرتضى:” اقعد الزمالك على جزء من حجرك، في الوقت اللي انت مقعد الاهلي على حجرك كله”.
واردف: “احمد موسى طالع يتنطط، ومهلتك خلصت يا ابوالعنين اوعى تنسى ان كنت المحامي بتاعك، ومستضيف خالد مرتجي ويقول سيب التانين يجعجعوا، اومال مين جاب النكسه لمصر مش اللوا مرتجي والدك، لموا نفسكم انا لامم نفسي يا اخي انا هنيت الاهلي بالماتش اللي فات”.
وواصل مرتضى:” هناك غسيل اموال، وتقولي هات صفقات منين وانا محجوز على ارصدتي، كويس ان جبت 14 لاعب، انت يامرتجي بتقول بنجعجع دي نكسة 67 بطلها والدك، احنا في حالنا ونتفرج على مهازل”.
واختتم: “المخبر احمد موسى نصف اللي جابهم في التقرير زملكاويه بالمغرب وباركوا للاهلي، الفتنه نائمه وللصبر حدود وبلاش تستفز ملايين من جماهير الزمالك”.
