طالب الإعلامي هاني حتحوت، مسئولي إتحاد الكرة بضرورة تقديم بلاغ للنائب العام بسبب تسريب فيديوهات من داخل مقر الجبلايه، تتعلق بمحاولات مسئولي الزمالك قيد الصفقات الشتويه.
وقال حتحوت في تصريحات تليفزيونية ببرنامج”الماتش”عبر قناة “صدى البلد”:” مبدئيا رئيس الزمالك كان له رد فعل عاجل بعد الخسارة، واصدر بيان ان في اجتماع طارئ لمجلس الادارة وهدد بالانسحاب من الدوري، هل ده تحرك حقيقي من الزمالك؟ ولا تهديد كسابق التهديدات”.
واضاف: “حالة الزمالك مع اتحاد الكرة في اشتعال، بتشوف فيديوهات مسربه من جلسه مسئولي الزمالك مع اتحادالكره واكيد مصدرها الزمالك، لان رئيس النادي قال في فيديو هيذيعه وتراجع اكثر من مرة”.
وتابع حتحوت:” انا مبحبش اتكلم في فيديوهات مسربه ولا مع تصوير شخص بدون اذنه، و لازم اتحاد الكرة يتحرك ويحافظ على شكله وقوته وصورته وكيانه، لازم يقدم بلاغ للنائب العام، ان في ناس دخلت وصورت بدون اذن”.
وشدد:” خاصة وان مسئولي الاتحاد رموا الكاميرا اللي داخلين بها مسئولي الزمالك في الشارع، لازم يتقدم بلاغ لان دي مسئوليه اجتماعيه لان مش من حق حد يصور بدون اذن”.
واردف حتحوت:” لازم تطلعوا بيان وتقولوا تقدمنا ببلاغ ضد الشخص اللي صور وسرب، وبيان تاني تعلنوا عن تحقيق في مضمون التسريبات لان كل واحد بيفسرها، الاهلاوي بيشوف ان في محاوله لتظبيط الزمالك، والزملكاوي بيفسرها بشكل ان الزمالك بيتظلم، لازم تحققوا وتقولوا النتايج العالم بيرفض التسربيات بس بيفسرها”.
واختتم: “سالنا اتحاد الكرة عن ماجاء بالفيدبوهات وقالوا ان مش كل الناس كانوا عارفين ان في بيان بمنع قيد صفقات الزمالك، وبعض اعضاء المجلس شايفين من حقه يقيد، لان مفيش لايحه بتقول كده لكن هو قرار بعدم القيد، واخرين شافين مش من حق الزمالك
، الزمالك سيقيد لاعبيه امتى منعرفش لكن هو سجلهم ع السيستم”.
