فتح طارق يحيى مقدم برنامج زملكاوي، النار على إتحاد الكرة المصري، بسبب تعنتهم ضد الزمالك ورفض قيد الصفقات الشتوية.
وقال طارق يحيى في تصريحات تليفزيونيه ببرنامج “زملكاوي” عبر قناة “الزمالك”:”سأتحدث بناء على معلومات من متخصصين في شئون اللاعبين، اهم شئ الزمالك عمله ان لاعبي الزمالك تم وضعهم على السيستم في الوقت المناسب، وده الاصعب في القصه، والباقي سهل وفقا للوائح، ودي نقطه مهمة جداانهم موجودين على السيستم”.
واضاف:” النقطه الاولى مفيش إتحاد كره بالعالم يملك ايقاف قيد لاي نادي إلا بقرار محكمة رياضيه لوجود شكوى ضد النادي هل في شكوى ضدي؟ هل الفيفا اخطرك بوقف القيد؟ ليه متعنت ليه مشخصن الامور؟، الزمالك بعيد عن القصه عندك مشكله مع رئيس النادي حلها بعيد عن الزمالك مينفعش التحدي يوصل لهذه الدرجه”.
وشدد يحيى: “لو هناك ايقاف ومنع قيد بصفه رسمية؟، ليه معرفتش تمنعه على السيستم، لان ده حق النادي، انت وقفت طبع الكارنيه ومرضتش، وقدمنا شيكات التي تعتبر مستند رسمي، وماحدث قمة الشخصنه والتعنت، إتحاد الكرة رفض استلام الشيكات وهجيب منين 10مليون جنيه الساعه 10 بالليل فكتبلك شيكات”.
وواصل:” في نقطه ذُكرت في بيان اتحاد الكرة لم ينتبه لها احد، وموجود تم قيد صفقات جميع الانديه بعد جدوله مديونياتها، اشمعنى الزمالك رفضت التسويه؟، وده شخصنه الامور، بتعندوا مع مين ولصالح مين، الزمالك ده نادي جماهيري، اقسم بالله ماينفع اللي بيحصل ده، رئيس النادي عرض عليكم شيك شخصي من حسابه”.
واردف يحيى:” عاوز تفهمني ان الانديه سلمتك فلوس كاش ووافقتوا للانديه التانيه الجدوله والشيكات والزمالك لا، الزمالك يمثل مصر في افريقيا انت بتحرم مصر ان الزمالك يتألق وياخد البطوله لانك بتحرمه من قيد صفقاته بدون وجه حق، لك فلوس هتاخدها، مينفعش الزمالك يتعامل هذه المعامله ماحدث اهانه للزمالك وادارته وجماهيره”.
واشار:” الزمالك ارسل خطاب للاتحاد لجدولة الديون ورفض، ورئيس النادي جه بنفسه، الزمالك وجماهيره ليس لهم علاقة بمشكلتك الشخصيه بينك وبين رئيس النادي، لومش ضامن شيكات الزمالك قالك خد الـ9 مليون بتاعت مشاركة الجزيري في كاس العالم و10 مليون من الشركة الراعيه دي مضمونه مادام رافض شيكات الزمالك”.
واوضح يحيى: “بطمن جمهور الزمالك ان اللعيبه هتتقيد والامور هتنتهي مادام عملنا الجزء الصعب، ومفيش كارنيه بيطلع بتاريخ، كيف منح اتحاد الكرة الزمالك رخصه الاندية المحترفه وهو مديون؟ جاي دلوقتي تقول عليه فلوس، اللعيبه دي ذنبها ايه وانديتهم رفعتهم من على قايمتهم وموجودين على سيستم الزمالك”.
وزاد:” سؤال ثاني، هو إمام عاشور سافر ولا لسه هوانت بتفتح على اللي رايح وتقفل على جاي يبقى ده كيد وعند، والله قيدنا حارس مرمى ناشئ في الزمالك امبارح اشمعنى قبلتوا، ليه سمحت بقيده؟، الزمالك لوراح الفيفا هيوقف النشاط، لان مش معاقب بايقاف القيد”.
واوضح: “كيف يتم منع القيد وقدملك كل الضمانات دي، وفلوس الزمالك مش مضمونه هل فلوس الشركة الراعيه مش مضمونه ولا الفيفا، هيسالوا ليه اتاخرتوا في القيد كده؟ احمد بلحاج الصفقة خلصت10 بالليل امبارح وع ما الاجراءت خلصت، وشبانه جاي قبلها بيوم
واختتم:” برجع وبأكد المستشار مرتضى وصل الاتحاد10 ونص وكل الاحداث متسجله صوت وصوره، هل الغرض اسكات مرتضى منصور ولايشتكي كهربا؟ هل بتساوم النادي؟، مينفعش، الفيفا وقف لاعب بالاهلي واديته جواب علشان يلعب ومبتساعدش الزمالك، مستعجب ممايحدث”.
