فتح إكرامي الشحات لاعب الأهلي السابق، النار على ابناء النادي الأحمر بسبب انتقادهم الحاد للفريق بعد خماسية صن داونز.
وقال إكرامي في تصريحات تليفزيونيه ببرنامج “اللعيب” عبر قناة “إم بي سي مصر”:” هي مش هاردلك، هو السبت الحزين،اول مره اسيب الشوط الاول وامشي لان زعلت جدا، كنت متوقع نكون احسن من كده ومنخسرش لكن قدر الله وماشاء فعل”.
واضاف: “نفكر في بكره نكون اولا نكون، لومكسبش فالامل هيكون ضعيف لاما البدايه او النهايه”
وشدد إكرامي: “ليفربول خسر من ريال مدريد والفرق الكبيره بتخسر، عدد الاهداف اللي دخلت في الاهلي كتير”.
واردف:” لازم يكون عندنا ثقافه النقد، احنا عندنا نقد هدام، مفيش داعي للسخريه اوالتجريح في الشناوي وخط الدفاع والاهلي، انا مش ضد انك تقول اللعيبه مش كويسين لكن مجرحش وخصوصا عندنا مباراتين مع المنتخب وقوام المنتخب من الاهلي وحارس المنتخب لايصح التجريح”.
واكمل إكرامي:” هجوم ابناء الاهلي على للفريق لمصالح شخصيه، مفيش حد من الاهلي يهاجم النادي، اي حد هاجم الاهلي مبيحبش الاهلي لازم اكون سند للاهلي في اصعب الظروف، وبقولها اللي بيهاجم الاهلي ده لمصالح شخصيه، قول الاهلي مش موفق لكن مش اهاجم واجرح”.
واختتم: “لما جابوا افريقيا بيتشالوا على الاكتاف لكن لمايخسروا مخسفش بهم الارض، وان شاء الله نفوز ويتأهل”.
