فتح طارق يحيى لاعب الزمالك السابق، النار على لاعبي الفريق الأول لكرة القدم بالفارس الأبيض، والجهاز الفني بقيادة البرتغالي جيسفالدو فيريرا، وذلك بعد الخروج الإفريقي.
وقال طارق يحيى في تصريحات تليفزيونيه عبر قناة الزمالك:” موسم للنسيان، لافي لعيبه عندها نخوة ولا روح، ومدرب عقيم، ولا تكيتك واحنا مبنروحش للجول ومحدش يزعل مني، ولا في تكتيك ولاشايف روح ولعيبه مستسلمه عملنا من فرق صغيرة ابطال”.
واضاف: “ده مش الزمالك، تشكيلات غريبه وتغييرات اغرب، ولعيبه فين الروح والنخوه والرجوله، محدش متاخر عليكم، طيارات خاصه وفي مدربين مبيقبضوش ولا موظفين”.
وشدد يحيى:” ايه القرف ده، ده مش الزمالك، دي لعيبه الزمالك، رايح مباراة حياه اوموت، مروحناش للجول، فيه ايه نعمل ايه تاني؟، دعم وندعم ادارة بتديكم اللي عايزينه، في ايه مالكم، الفرقه مش مع بعض رجاله في الملعب”.
واختتم:” الوضع صعب ولازم قرار، الموضوع راح في حته ومش هنعرف نرجعها تاني، اخصم بقى مفيش فلوس انا ماخدتش ولا حاجه كجمهور”.
