“التقييم إنتهى”.. عبد الحليم علي يطالب إدارة الزمالك بقرار ناري بعد الخروج من كأس الرابطة!!

أكد عبد الحليم علي نجم الزمالك السابق، أن مرحلة تقييم لاعبي الفارس الأبيض إنتهت، وطالب الإدارة بضرورة بناء فريق جديد من أجل العودة للمنافسه على البطولات.

وقال عبد الحليم علي في تصريحات تليفزيونيه عبر قناة “الزمالك”: “النهارده إنتهاء مرحلة التقييم، مش هبرر أخطاء جهاز فني علشان أحملها للإدارة، ومش هبرر تغييرات غلط، ولا هحمل أخطاء اللعيبه للجماهير”.

وأضاف:” الزمالك نادي كبير، وحصل على دوري آخر موسمين، وأنديه العالم بتمر بالمراحل دي، انت بتعاني من حالة إنعدام الوزن، وارد تحصل وانت شوفت الانسب من الصفقات ولكن البعض كيميته مش ماشيه، قدرك انك جبت لعيبه مش على المستوى وبيحصل في كل أندية العالم”.

وشدد علي: “إحنا في حزن وفي زعل ومش هنبكي على اللبن المسكوب، رئيس النادي رجع وانت قيمت خلاص مش هقيم اللعيبه، مفيش روح ولا أداء وده الجهاز اللي كان موجود وبيكرر أخطائه”.

واشار:” خلصنا خلاص، عندي مساحه اجيب جهاز فني على مستوى الزمالك، هي دي القماشه وخرجت من هنا وهنا، هل يعقل في7 دقايق يدخل فيك 3 أهداف”

وواصل: “اللعيبه لها تقلها وكان لهم اسماء في الدوري قبل الإنضمام للزمالك وجهاز محترم وتقدر تدير وتكسب لكن تنهار في7 دقايق محدش يتقبل اقفل الملعب يا اخي”.

وأكمل علي:” إدارة المستشار مرتضى دي اللي مشيت 15 لاعب في2015 وجابت فريق ولعيبة وحصلت على بطولات، وشوف ريال مدريد فرق بينه وبين برشلونه كام نقطه وليفربول وضعه ايه، بتحصل للفرق الكبيره”.

وأستطرد: “إحنا مش قابلين الإنهيار، ومش عيب التراجع ولكن نبني ونجهز فريق جديد، الأمور صعبه علينا لكن خلاص ده واقع”.

وأختتم:” لازم تحدد هدفك في الدوري، مينفعش انهيه في المركز الـ5، وعندي فرصه أنافس للحصول على مركز مؤهل لبطولة إفريقيا”.