علق فاروق جعفر لاعب الزمالك السابق على تعادل الفارس الأبيض مع بيراميدز،ضمن منافسات الجولة الـ20 من بطولة الدوري المصري الممتاز.
وقال فاروق جعفر في تصريحات تليفزيونيه عبر قناة اون تايم سبورتس: “الفرقتين كانوا خايفين من بعض والمدربين هما اللي وصلوا كده للاعبين، كلمه انك لازم متخسرش دي مودياك لمنطقه خطر انت مينفعش في المحاضره تقول مينفعش اخسر دي” .
وتابع: “انت لازم تدي الدوافع وبعيد عن الحته الفنيه انت لازم تدعم الحته المعنويه ، انت مش عارف توصل للجول” .
واضاف جعفر: “الخمس دقايق الاخيره من الشوط التاني بيراميدز لعب بشكل كويس جدا ، ابراهيم عادل مع عبد الله السعيد اللي مش مراقب شكلوا خطوره كبيره جدا”..
وشدد:” في وقت مينفعش انزل اللعيبه فيه، مينفعش انزل اللعيبه والفرقه مضغوطه ، انت مبتدربش لعيب ومش منسجم وتلاعبه ، المباراه غير التدريب وغير المباريات الوديه”.
واختتم: “شكل المباراه السيئ السبب فيه هما الاتنين مدربين، ومن وجهه نظر لم يستفد الزمالك او بيراميدز من اللقاء”.
