اكد حسين السيد عضو اللجنة السابقه لادارة الزمالك، انهم حاولوا التجديد للمغربي اشرف بن شرقي وقت تواجدهم في النادي، وشدد ان الصفقات التي تعاقد معها الفارس الابيض دون المستوى.
وقال حسين السيد في تصريحات تليفزيونيه ببرنامج “الماتش” عبر قناة “صدى البلد”:” فريق الكره موقفه صعب واحنا اللي داخلناه في الازمات مينفعش اطلع اتهم اللعيبه، ومدفعش فلوس، وامشي لعيبه وانا محتاجها وتعاقدت مع لعيبه اقل من من رحلوا”.
واضاف: “مش احنا اللي فشلنا في تجديد اشرف بن شرقي، وصلنا معه لارقام، وهو كان حاطط شرط انه يرحل ببلاش حتى لوتاني يوم وكان مستحيل نوافق عليه، قعدنا كتير معه هنعمل ايه في حاجات مينفعش معها ولا اشرف بنشرقي ولا 100 بن شرقي”.
وتابع: “وكل الصفقات ليست على المستوى ممكن مصطفى شلبي استثناء ودونجا اللي عارفينه
واردف السيد:” ربنا كرمنا لما علمنا الصح وكسبنا الدوري، وكان في حالة تصيد و كل يوم قضيه وكأن حد قال للناس ان اللجنه طيبه وهتسمع منكم وهتدفع لكم، جالنا بتاع مياه وكهربا وضرايب واي حدله فلوس جالنا دلوقتي محدش بيقرب من النادي ومنسمعش ان في قضايا وممكن السبب محدش سمح لهم بالدخول”.
وشدد: “مكنش في مشكله بعقد امام وجددنا معه وكان بياخد قرشين خليناهم 7،وظبطناه يكون بقيمته، والعقد متوثقش، انت مشتغلش على العقد القديم عقد القديم يخلص 2024 طب ماتقعده”.
وزاد:” امام مشي لغرض ما اوضروره ملحه وياريت الفلوس بقيمة امام عاشور وده للي مزعلني كنا مزنوقين وبنشحت بس بنقعد لعيبتنا ونجدد لهم وجددنا لزيزو، اللاعب رجل وجدع جدا ووالده بيحبه جدا وارهقنا جدا، ولا لاعب لعب بورقه الاهلي في التجديد”.
وواصل:” لم نتلاعب في عقد شيكابالا ومعرفش ليه صرح بامور غير حقيقيه، وكدبنا ما قاله لان العقد مينفعش يتعدل بعد مابتوقع عليه، وممكن شيكابالا اتكلم على عقده تحت ضغوط، وانا كتبت العقد وتطلع تقول اللجنه زورت لا، انا ببقى عارف ظروف اللاعب فمش عاوز احط تحته ضغوط ككابتن الفريق”.
اختتم : “رفضنا اعلان ايقاف القيد لاسباب كتير ومنها المنافسه على الدوري ومكنش ينفع اقول كده، لست مع رحيل فيريرا استنى لما اخسر الدوري وبعدين يمشي، ولمينا تبرعات12 مليون وقت وجودنا في الزمالك”.
