كشف حسين السيد، عضو اللجنة المؤقتة السابق في نادي الزمالك، موقف لجنة حسين لبيب من حبس مرتضى منصور.
وقال حسين السيد في تصريحات تليفزيونيه ببرنامج “الماتش” عبر قناة “صدى البلد”:” الناس فاكره اننا بنتكلم عمال على بطال احنا بنطلع نرد على اكاذيب اتقالت علينا، احنا كلجنه بنطلع نتكلم وبنتجمع وبنتقابل على فترات ونادر ما تجد مجموعه كهذه”.
واضاف:” لم نتقابل بعد الازمه الاخيره، وبنتناقش فيها من خلال جروبنا علي الواتس اب المسمى مجلس الزمالك، وبنتناقش في كل مايخص الزمالك واخباره”.
وشدد: “احنا كجماهير الزمالك هناك وجهتين نظر، مين الاصح الله اعلم، حتي القانونين مختلفين ف التفسير، لان مجلس الادارة بيؤكد ان الازمه الموجوده مؤقته حتى عوده رئيس النادي، وناس اخري تقول اللائحه واضحة وان العقوبه مقيده للحريه مينفعش يكمل”.
واردف السيد:” في جناح بيقول ينفع وفصيل بيقول لا وجهة نظري الايام هتبثت من الصح”.
واشار:” مش عاوز اقول الدنيا سوده ولكن الامورصعبه للمجلس واتمنى المشكله تعدي على خير سواء المجلس يكمل او اجراء انتخابات في شهر7،ولكن انا مع وجود مجلس منتخب وربنا يكون في عون اللي هيجي والموجود بسبب الامور المالية الصعبه”.
واكمل السيد: “على المستوي البعيد لابد ان يكون هناك كوارد ادارية وترابط اجيال، اخر20 سنه متقدرش تقول ف كوارد اداريه ولابد ان يكون هناك دور للاعبي الكرة، السبب في عدم وجود كوادر هو تقصير من اللاعبين ولازم الادراه يكون عندها رؤيه تختار منهم 3 او4 يوليهم مناصب اداريه وهو يكون عنده ثقافه وانت بعد دورتك حد يجي يكمل”.
