وجه حسين السيد عضو اللجنه السابقة لادارة الزمالك، رساله مفاجئة لمصطفى شلبي لاعب الفارس الابيض بعد تسريب عقده.
وقال حسين السيد في تصريحات تليفزيونبه عبر قناة صدى البلد:” رحيل إمام عاشور كارثه ولازم نقارنه بزيزو مصطفى محمد وقيمته ايه وسفرته بكام، انت كنت محتاجه ولكن احنا بصينا ان مصطفى محمد له بديل وكان عندنا لاعب شاب وصاعد علشان كده واقفنا علئ احترافه”.
واضاف: “سيف فاروق جعفر ليس بديل لامام ولا يقدر لسه صغير، وكل الصفقات ليست على المستوى ممكن مصطفى شلبي استثناء ودونجا اللي عارفينه”.
وشدد السيد:” عمر حابر مشكلته نفسيه ومحتار في مستواه ولازم نشوف مشكلته ايه لان عارفين امكانياته”.
واردف:” تعاقدنا مع شلبي لانه كان مكسر الدنيا في انبي ولازم اقعد معه واشوف ف ايه، لوزعلان انه عقده اتسرب مش اول واحد عقده يتسرب”.
واشار السيد:” واحنا موجودين مكنش حد عارف تعاقدنا مع مين ومكناش بنعمل زيطه وجددنا لكل اللاعبين في صمت”.
واختتم: “الارقام في عقد شلبي كبيره على امكانياته، وهو صفقه ناجحه وممكن يفيد لوحد قعد معه وشافه متضايق من ايه”.
