علق الإعلامي عمرو أديب، على ما يحدث داخل نادي الزمالك من تراجع نتائج وإخفاقات خلال الفترة الأخيرة.
وقال عمرو أديب في تصريحات تليفزيونيه ببرنامج “الحكايه” عبر قناة “إم بي سي مصر2″:” الزمالك اتغلب من البنك الأهلي3-0، في عام2023 الزمالك لعب 17 ماتش اتغلب في 10، رقم قياسي عالمي جديد لنادي الزمالك”.
وأضاف: “إحنا مبنكلمش على فرقه، إحنا بنكلم على خرابه، واللي مش مصدقني يبص على الجول الـ2 ويوريلك حالة فرقه الزمالك، الخرابه، الكره كأنها إترمت في خرابه، إترمت ورا دفاع الزمالك، الخرابه، اللي محدش قادر يجري، ولايعمل أي حاجه، لاعب البنك الاهلي، كل لعيبة الزمالك اتفرجت عليه وقالت احنا لسه هنجري ياعم وراك روح انت ياعم،، تجيب الكره ولامتجبهاش”.
وشدد أديب:” مفيش مدرب للزمالك، كل يوم اللعيبه بينزلوا التدريب يلاقوا حد جديد، النهارده الخواجه مشي، النهارده أسامه نبيه، النهارده عبد المقصود، ومره عبد المعبود”.
وأردف: “كل يوم نازل التدريب ومش عارف مين الموجود، مفيش مدرب، بتكلم عن النادي الثاني الاكثر شعبيه في مصر والوطن العربي معندوش مدرب، واللعيبه مبتقبضش، ورئيس النادي في السجن، أنت متوقع إيه من اللعيبه دي لا في إفريقيا ولا دوري ولا رابطه، نازل يلعب ليه الغرض إنتهى”.
وأكمل أديب:” إحنا بنتهان علئ طول وبقينا تريقه ومسخره، مين السبب؟، مش عارفين نجيب مدرب من أبناء المدرب أو أبناء النادي اللي جبنا، أو من ولاد عمنا أوولاد أختنا، مش عارفين”.
وأشار:” حرام عليكم اللي بيتعمل فينا، مقدرش أحمل أي لاعب أي حاجه، والمدرب غير 3 لعيبه النادي عمل دِرب و3 أهداف في 7 دقائق، ولو كان كمل كانوا هيبقوا 5 أو6 معقوله اللي بيجرى”.
وزاد: “معقوله اللي بيحصل لمصلحة مين؟ انا عاوز اسأل الناس المبسوطين جوه الزمالك، مبكلمش على المبسوطين بره الزمالك لان فاهم موقفهم، اللي جوه مبسوطين ليه، اللي يبسط ايه”.
وواصل أديب:” المؤامرة اللي على الزمالك، احنا قلب المؤامره من جوه،حد مسئول انك مبتجبش مدرب؟ حد مسئول اللعيبه كلها طلعوا مش نافعين؟، حد مسئول انك بتتغلب في كل الماتشات؟، حد مسئول ان اللعيبه معندهاش روح ولاحاجه، حد مسئول انك مجبتش لعيب عدل، حد مسئول انك مشيت كل اللعيبه اللي شامه نفسها”.
واختتم: “كل دول مؤامرة، مؤامرة مين دي؟، مانواجه نفسنا ياجماعة”.
