رد كابتن أحمد مرعي المدير الفني لفريق سلة الزمالك، على تصريحات مصطفى كيچو لاعب الفارس الابيض والذي قام بفسخ تعاقده بسبب مستحقاته وانتقل لنادي الشمال القطري.
وقال احمد مرعي في مداخله هاتفيه ببرنامج “الماتش” عبر قناة “صدى البلد”:” الحمدلله على تأهل منتخب السلة لكأس العالم، وانجاز نستحقه، الجيل الحالي فيه لعيبه كبار ويضعوا في مصاف النجوم علي المستوى الدولي”.
واضاف: “نحتاج للاستعداد بشكل جيد، لابد ان نستفيد بالمشاركه في كأس العالم لاننا نعاني من الطموح المحدود بوصولنا للكأس العالم لابد ان نتعلم من الدورس السابقه ونؤدي بشكل جيد”.
وشدد مرعي:” في وضع غريب لفريق سلة الزمالك طبعا هنرجع لبدايه الفريقمنذ وصولي ورحيل لاعبين بلعب ناقص 3 لاعبين وهم انس اسامه ومهاب ياسر. اصيب بالصليبي ومعاذ”.
واردف:” انا بلعب ب11 لاعب ومحترف، وحصل. مشاكل ده تاتي واحد يكون معه مشكله، لوجود ازمه في توفير الدولار، المحترف اخد اجازه وسافر مجاش من23 يوم ونتواصل معه، الموضوع كله مرتبط بفلوسه ومستحقات وكيله ومش مدينا رد الا لما الفلوس تتوافر في حساباته الكابتن احمد عادل بيتواصل مع الاداره ومفيش وعد بامتئ تتحل الأزمة”.
واشار مرعي:” المحترف مش موجود ومباراة الاهلي بعد6 ايام، والحاجه التانيه سفر كيجو لقطر وهو السنتر الاساسي وكنت بعيد عن التواصل معه
الموضوع بدا من مده في تاخير مستحقات ومشكله ماليه بالنادي ومش سر، كيجو وعدد من اللاعبين بيكلموا عن مستحقاتهم وده حقهم لكن في ازمه بالنادي ولازم نفصل بين الملعب والازمات”.
واوضح: “مصطفى لاعب اساسي وهو لاعب الارتكاز الوحيد، وتركيزه مبقاش عجبني وناقشته وقولتله ادائك سيئ وكلمته كتير وكانت الشماعه انا عندي ظروف نفسيه ومستحقاتي وانا لا اعترف بهذا الكلام انت تنسى الكلام في الملعب انت الموضوع مش عليك لوحدك لا على كل الفرق”.
واكمل مرعي:” انت المفروض تنزل الملعب تأدي وده بدايه شد وجذب لان مؤمن بمبادئ معينه لما تنزل الملعب متتكلمش على الماده، انا اللي قلت لكيجو الباب يفوت جمل لانه مش متحمل ظروف النادي متجيش موظف انت لما تيجي تأدي”.
وزاد: “هحاول احارب لاخر جندي موجود معي ونقدم مباراة تليق بالزمالك امام الأهلي، واللي هقوله علشان. نلخص الوضع انا بدرب 6 او7 لعيبه لان في ناشئين كنت بعتمد عليهم بيشاركوا في بطولة الجمهوريه حاليا”.
واختتم:” عمري ما تعرضت لمثل هذه الامور، ولا ارحل في نص الموسم مهما كان في كوارث بحاول ادي الدور اللي علي، وممكن اتلكك واقول النادي مبيدفغش لكن محبش اعمل كده احنا امتى نقف مع شغلنا والمفروض نخلص في مكان علمنا لاخر وقت”.
