تحدث الإعلامي سيف زاهر عن أزمات الزمالك خلال الفترة الحاليه واسباب تراجع الفريق وذلك قبل المواجهة المرتقبة أمام الترجي التونسي في دوري أبطال إفريقيا، ووجه رساله هامه للاعبين.
وقال سيف زاهر في تصريحات تليفزيونيه عبر قناة “اون تايم سبورتس”:” احيانا العنوان بيكون مهم وفيريرا قال قبل كده 3 مرات ان البدايه الجديده بكره، اوقات لاما تكون البدايه او النهايه، بكره هل نهايه لفيريرا او بدايه له مع الزمالك”.
واضاف: “كرة القدم تخبي امور كثيرة، بكره هنفتح صفحه جديده وانت البروف وافضل مدرب، ولكن لو لم توفق هل سيكون نهاية المشوار؟ قرارك”.
وشدد زاهر:” لاول مرة منذ قدوم فيريرا للزمالك وانا بدعمه وبسانده وهو مدرب كبير، لكن بيدور في نقط مش موجوده وبيكلم عن امور ملهاش علاقه بالموضوع
الزمالك فنيا في ازمه باكلم باحساس محبي وجمهور الزمالك”.
واردف:” الناس حاسه ان فيريرا معندوش مفاتيح للعودة، من ماتشات كتيره مستنيه الريمونتادا وعودة الزمالك ايه الاسباب معرفش، واضح في مشكله بغرف الملابس اومشكله نفسيه، اومشكله بين اللاعبين معرفش، اسماء كبيره في الزمالك انا مش شايف ان الزمالك محتاج صفقات هو عنده لعيبه كويسه، ولازم يعرفوا انهم بيمثلوا نادي كبير”.
وتابع زاهر: “والمقوله اللي بسمعها بغض النظر ان رافض الفكرة ومش متهم بيها فكرة تسريب العقود احنا عاوزين نعرف ان ملهاش تاثير، انت كلاعب ايه القصه ركز في الملعب بتلعب لنادي كبير كل شويه بسمع بالونات طالعه مفيش قصه اساسا”.
واختتم:” فيريرا، لازم يركز وياخد القرار، إذا شعر أنه غير قادر على استكمال مشواره مع القلعة البيضاء، يتقدم باستقالته، رساله مهمة للاعبين بكره مباراة مهمه للدفاع فنيا عن الفريق واسمه واثبات الذات وحاجات كتيره”.
