سيف زاهر يكشف تحركات الزمالك والأهلي في فتره الإنتقالات المقبله.. ورساله ناريه بخصوص المحترفين!!
كشف الإعلامي سيف زاهر عن تحركات الزمالك والأهلي في ملف الصفقات الجديده وذلك من أجل الإستعداد للموسم المقبل ، موجهاً رساله ناريه للناديين فيما يخص التعاقد مع المحترفين.
إقرأ أيضاً| مفاجأه من العيار الثقيل ولأول مرة .. خالد الغندور يكشف الشخص وراء تسريب عقود الزمالك!!
وقال زاهر في تصريحات تلفزيونية عبر برنامج ملعب أون تايم:”كل الانديه بتسعى من دلوقت انها تستعد للموسم القادم ، الزمالك عنده مشاكل والاهلي عنده مشاكل “.
وتابع :”الانديه اللي عاوزه تنافس زي الزمالك والاهلي مجابوش محترف يعمل فرق ، مجابوش محترف ب٣ رجول مثلا على رأي احمد ياسر لاعب المصري السابق”.
وواصل :”الاهلي مستعد يحط من ٣٠٠ ل ٤٠٠ مليون جنيه عشان يجيب صفقات من العيار الثقيل ، اي لعيب احنا قولنا اسمه زي موليكا مثلاً ب٥ مليون دولار يعني ١٥٠ مليون جنيه وده لعيب واحد”.
وشدد :”الزمالك برضو حالياً بيدبر مبالغ عشان يدعم الفريق الفتره المقبله” .
وأكمل :”نيجي لفكره البيع اللي عندنا فيها مشاكل ، هل الانديه اللي جابت لعيبه بفلوس كتير جدا هتقدر برضو تبعهم بنفس السعر او اقل شويه ولا هتخسر فيهم بقا ، هنستنى ونشوف” .
وأردف :”اللاعب المصري كمان سعره بقا عالي يعني مروان عطيه ب٢٥ مليون جنيه يعني ٤ لاعبين ب١٠٠ مليون ، هي دي الاسعار دلوقت” .
وأتم :”عندي رساله للانديه لو مش هتجيب لعيب بيطير من على الارض وبيسجل من كل حته يبقى متجبش احسن “.
