علق الإعلامي أحمد موسى، على خسارة الزمالك من البنك الأهلي وتوديع بطولة كأس الرابطة.
وقال أحمد موسى في تصريحات تليفزيونيه ببرنامج “على مسئوليتي” عبر قناة “صدى البلد”:” الجهاز الفني مهمته تجهيز اللعيبه علشان مباراة الزمالك و البنك الأهلي، وانت قاعد على الخط بتقرأ الملعب شايف اللعيبه بتتحرك ازاي وشايف مين كويس وأعمل تغيير للسيئ”.
واردف: “البنك الاهلي أحرز 3 أهداف في 7 دقايق يفكرك كأن الزمالك بيلاعب فلامنجو أو البايرن أو البرازيل أو ريال مدريد، ده ميحصلش ياجماعه”.
وشدد موسى:” المصيبه اللي حصلت للزمالك لاتتكرر كثيرا، انت كمسئول بتدير بتطلع احسن لعيبة زي نيمار وسيف جعفر، وبدل مانت خارج متعادل الشوط الاول تنزل الشوط الـ2 متراجع، واللعيبه مش شايفه انها بتلعب في كأس وخروج المغلوب”.
وأشار: “بعد الخسارة بقي عندك موسم كارثي عليك بسبب الرجل اللي قاعد بره، في 8 دقايق 3 أهداف ملحقتش أخد نفسي وانا بتابع، هو في كده ياجماعه؟”.
وواصل موسى:” اللعيبه بتلعب بإستهتار وضيعوا الشوط الأول، وجالهم أكثر من فرصه، دي لعيبه مستهتره، وجمهورك مستنيك تاخد البطوله موسم صعب جدا على تاريخ الزمالك وجماهيره، لم يؤدي ڤريق الزمااك ما عليه”.
