“شربت من نفس كأس الأهلي”.. عمرو أديب يفتح النار على الجميع في الزمالك بعد الخسارة أمام إنبي
علق الإعلامي عمرو أديب على خسارة نادي الزمالك من نظيره إنبي ضمن منافسات بطولة الدوري العام الممتاز.
وتعرض فريق الزمالك للخسارة من إنبي بهدفين دون رد في المباراة التي أقيمت بينهما باستاد القاهرة الدولي في إطار مباريات الجولة الحادية والعشرين لمسابقة الدوري الممتاز.
وقال “عمرو” :” أنا شربت من نفس الكاس اللى عملته إمبارح بعد حديثي عن خسارة الأهلي، الزمالك بلا فاعلية أو قدرة أو رغبة تحس انها فرقة مش عارفة عايزة ايه”.
وأشار :”أي لاعب من إنبي كان يمشي بالكورة بيكون فيه أربعة من الزمالك يحرسوه لغاية ما يجيب جول ومفيش لاعب يصنع فرق في الملعب زيزو تعبان وزهقان والباقي ملوش تأثير”.
وأضاف “أديب” خلال تقديمه حلقة جديدة من برنامج “الحكاية” على قناة “mbc” مصر :”اللاعيبة غير العادية اللى كانت عندك بعتها وجبت لاعبين أقل من العادية، ودى فرقة تعلم أنها تلعب في فريق كله مشاكل”.
وتابع :”خلاص هي فرطت من الزمالك ومفيش زمالك انت متخيل اني بيناهض من أجل البقاء، فين اللاعبين الجدد اللى بهدلنا الدنيا علشان نسجلهم كلهم لاعبين بلا معنى الزمالك مش عارف يكون الرابع أنت بتلعب بفرقة كل اللاعيبة اللى فيها حالتهم صعبة والفرقة بقت محطمة”.
وواصل “أديب” :”فيريرا أيامه بقت معدودة والراجل قاعد عاشان العقد علشان انت مش عارف تمشيه علشان الشرط الجزائي، وطبعًا هيكون فيه مليون شماعة للخسارة السحر والشعوذة والإجهاد لكن الحقيقة أن الفريق أصبح سيء جدا ومن تدني لآخر”.
ووجه “أديب” حديثة لـ فيريرا قائلا :”بقول لـ فيريرا أجبلك مين علشان تكسبة انت بتلاعب فريق بيكافح من أجل الهبوط انت معندكش خطة أو فكرة أو حاجة تقدمها في الملعب والغريبة الجمهور اللى بيشجع كان الفريق فايز”.
وأختتم “عمرو” في النهاية اللى أقدر أقوله :”ربنا بينتقم مني على عملته امبارح”.
