شوبير يثير الجدل بشأن استكمال مسابقة الدوري بعد أزمة غياب تقنية “الفار” – فيديو
فتح الإعلامي أحمد شوبير النار على الاتحاد المصري لكرة القدم بسبب أزمة توقف تقنية الفار في مباريات الدوري المصري.
وكان الاتحاد المصري لكرة القدم أعلن عن وجود أزمة مع الشركة المسؤولة عن تقنية الفار بسبب وجود مستحقات مالية متاخرة ولعب مباريات الدوري بدون الفار.
وقال “شوبير” :”مينفعش اتحاد كرة في العالم، يكون القيد فيه بالقسط، اللى معاه ميلزموش، ولازم الأندية تدفع كل الرسوم اللى عليها سواء رسوم الحكام أو القيد”.
وأشار :”الموضوع ده كانت عاملي أزمة لما كنت في الاتحاد، لما كنت بصر على الرسوم وقبل كده علشان حكام أجانب جات الفلوس للاتحاد في “شوال” صغير”.
وأوضح :”الاستاذ وليد العطار المدير التنفيذي للاتحاد كان في إسبانيا من فترة وطلع قال اتفقنا مع الشركة على جدولة المستحقات واستقدام أحدث تقنية للفيديو والدفع يكون بالجنية المصري، ويبقى نصدق مين واروح لمين واقول يامين”.
وأضاف “شوبير” خلال تقديمه حلقة جديدة من برنامج “ملعب أون” على قناة “أون تايم سبورت” :”ده مينفعش ، ده مفهوش عدالة، ومن حظ الاتحاد مباريات النهاردة مكنش فيها زمالك واهلي، انت كده بتهدد المسابقة والمسابقة في خطر، لأنه من حق الأندية الاعتراض على غياب تقنية الفار”.
شاهد:
