كشف الدكتور محمد أسامه رئيس الجهاز الطبي للزمالك، تطورات الحاله الصحيه لمصابي الفريق، ووجه رساله هامه لجماهير الفارس الأبيض.
وقال محمد أسامه في لقاء عبر زووم بقناة “الزمالك”: شيكابالا بعد اخر مباراة شارك فيها شعر باجهاد عضلي واعراض برد عاديه، واخد راحه لمدة48 ساعه وعملتله تحليل كوفيد طلع سلبي”.
واضاف:” عملت تحاليل عامه طلع في بعض الالتهابات، شيكابالا مجهد وفي اعراض رشح وبرده هو احسن بكتير، وفي كلام انتقل لقناة الزمالك وهذا غير صحيح بالمره صعب الكلام ده”.
وشدد أسامه: “بستغل المداخله وزي ماوعدنا المستشار مرتضى اننا نعمل نتائج كويس ونعدي المرحله الصعبه دي وبوضح الامور”.
واضاف:”في شائعات بتظهر قبل مباريات، كنت شغال وقبل ماتش الترجي اتفاجئ ان في كلام ان عبدالغني مصاب ومستبعد، وانابعمل شغلي وبعمل مجهود عالي انا والجهاز اللي معي وامير وكابتن إسماعيل يوسف، بنتعب جداعلشان نكون بنعمل شغلنا”.
واردف:” الكلام عن اصابة شيكابالا ضايقني والشائعات بشكل عام عن الفريق بتضايقني، انا عمري ماقولت حاجه ولا التفاصيل المرضية، شيكابالا هو دور برد عادي ومفيش اي ازمات صحيه”.
وواصل أسامه: “ايضا اصابه نداي اتقال كلام غير صحيح، وهو خضع لكشف طبي قبل التوقيع معاه، هو اتصاب اصابه صعبه وعملناشغل كتير جدا معاه، وكنت باخد اراء اطباء خارج مصر ومعظمهم اشار انه يخضع لجراحه، ولكن وصلنا انه بقى كويس وتعب معنا وبحاول في شغلي اجتهد”.
واوضح:” الونش جاهز طبيا وعدم مشاركته وجهة نظر فنيه، اما عمرجابر اشتغل في التاهيل وهو في المرحله الاخيره، بينما عبدالشافي مصاب بكدمه قويه في الكاحل ومازال في ورم”.
واكمل اسامه:” عبدالله جمعه اصيب كدمه في جه القدم وحاليا في مرحله التأهيل”.
واختتم: “مفيش مشاكل وان شاء الله بوعد الناس نحن كجهاز فني واداري وطبي ببذل اقصى جهد علشان نرجع لمستوانا وطبيعي اي فرقه في الدنيا مش بتمشي في تراك واحد وان شاء الله نرجع”.
